Volwassene

'n Groep volwasse persone.

Die naamwoord volwassene verwys na enige volgroeide organisme, alhoewel meestal na 'n mens: iedereen wat nie langer 'n kind of minderjarige is nie, en wat nou 'n man of 'n vrou is.

Wetlike implikasies

'n Volwassene kan wetlik 'n kontrak smee met 'n ander party.

Die wetlike definisie van die aanvang van volwassenheid varieer tussen die ouderdomme 16 tot 21, afhangende van watter streek onder bespreking is. Sommige kulture in Afrika beskou die ouderdom van 13 as die aanvang van volwassenheid, maar die res van die wêreld sien die individu op daardie ouderdom steeds as 'n tiener. Die mees algemene ouderdom is 18. 'n Paar uitsonderings:

16: Skotland

17: Indonesië

19: Suid-Korea

20: Japan

Op hierdie bepaalde ouderdom verloor die nuwe volwassene se ouers die ouerlike regte en verantwoordelikhede rondom die persoon se versorging. Die nuwe volwassene beskik byvoorbeeld nou oor die reg om 'n huwelik binne te tree, om te kan stem, om 'n voltydse werk te mag bekom, om vuurwapens aan te skaf (in lande waar dit wettig is om dit te doen), om te mag bestuur, om te rook en te drink, om seks te hê, om te dobbel, om 'n prostituut te wees (in lande waar dit wettig is om dit te doen), en as pornografiese model of akteur op te tree. 'n Volwassene verkry ook die reg van toegang na feitlik alle gebeurlikhede of plekke, in teenstelling met 'n minderjarige wat weerhou kan word van toegang óf omdat toegang gevaarlik kan wees vir die jong individu, óf omdat die minderjarige skade kan veroorsaak (byvoorbeeld by 'n uitstalling van hoogs-breekbare items).

Volwasse kenmerke

Daar is sekere gedragskwaliteite benewens fisiese voorkoms wat volwassenheid simboliseer in die meeste kulture. Hierdie volwassenheid van karakter behels onder andere:

• Selfkontrole
• Stabiliteit
• Onafhanklikheid
• Erns
• Verantwoordelikheid
• Takt
• Uithouvermoë
• Ervaring
• Objektiwiteit

Sien ook

• Adolessensie

Hierdie artikel is in sy geheel of gedeeltelik vanuit die Engelse Wikipedia vertaal.