Ludmilla Radchenko

Ludmilla Radchenko (Russies: Людмила Радченко) is 'n Russiese model, kunstenares en aktrise wat in Italië en Engelssprekende lande bekend geword het. Sy is op 11 November 1978 in Omsk in die Sowjetunie gebore.

Lewensgeskiedenis

Ludmilla word in Omsk gebore en behaal in 1999 in dié stad haar graad in modeontwerp. Sy word in 1997 gekies as Mej. Sjarme in die Mej. Rusland-kompetisie. Sy doen ook in Moskou en Sint Petersburg ondervinding in die televisiewese op.

Nadat sy in Italië aangeland het, begin sy haar loopbaan in die televisieprogram Paperissima. Sy tree in 2001 as danseres op in La sai l’ultima en die volgende jaar is sy in die televisievasvraprogram Passaparola te sien.

In 2003 word sy die aanbieder van Spicy Tg op Antenna 3. Intussen verskyn sy ook as ’n model op modeskoue en in 2004 pryk sy op die tydskrif Fox se kalender. In 2005 neem sy aan die realiteitsreeks La Talpa deel en word in die halfeindronde uitgestem.

In die somer van 2006 speel sy die hoofrol in On the Road, ’n TV-program wat in Miami verfilm is en op die Italiaanse TV-kanaal Italia 1 uitgesaai is. Die daaropvolgende jaar bied sy Tuning and fanatics, ’n Diva’s Production-program op SKY, aan. Sy skryf ook vir die realiteitsreeks Reality Game en Sky Vivo in.

Sy word deur Fapim, 'n venstervervaardiger, vir die 2008-kalender gekies en poseer vir Luca Cattoretti in seker die beroemdste erotiese posisies in die geskiedenis van die internasionale rolprentbedryf. Sy werk ook aan All Music in die modeprogram Modeland, wat deur Jonathan Kashanian aangebied word.

As aktrise tree sy in die televisierolprent Il viaggio (2005) op en in twee episodes van die TV-reeks RIS – Delitti imperfetti, asook in ander kleiner rolle in ander Italiaanse produksies. In 2008 speel sy in die rolprent A Light of Passion.

Ná La Talpa hou sy haar besig met skilderwerk en stal van haar werk in Milaan uit. Sy besluit om haar op kuns toe te spits.

Ná ’n lang studiereis na New York-stad word ’n versameling van haar werke in verskeie galerye en kunsuitstallings ten toon gestel. In 2010 skep sy ’n groot koei vir die “Cow Parade 2010”, ’n internasionale ontwerpuitstalling. Sy neem ook deel aan die Milaanse Triënnale en stal haar werke in ’n solovertoning by die Museum van Eietydse Kuns in Lucca uit. ’n Paar maande ná haar uitstalling by die Teatro alla Scala word sy gekies vir die internasionale skilderkompetisie Gemlucart of Monaco en begin saam met die Opera Gallery werk. In Desember 2010 gee Skira haar eerste katalogus, Power Pop, uit.

In Februarie 2011 ondersteun die provinsie Milaan Ludmilla se uitstalling by die Huis van Wêreldkultuur. In Mei 2011 stal ’n New Yorkse galery van haar werk uit by die Eating Art Festival; haar werk word ook by die Crown Fine Art Gallery in Soho uitgestal.

Televisie

• La sai l'ultima? (2001)
• Passaparola (2001-2002)
• Spicy Tg (2003)
• The Mole(TV-reeks): La talpa (2005)
• On the Road (2006)
• Tuning and Fanatics (2007)
• Reality Game (2007)
• Modeland (2008)

Filmografie

Jaar	Naam	Rol	Notas
2005	Il viaggio
2006	R.I.S. Delitti imperfetti		2 episodes
2006	A Light of Passion
2008	Scaccomatto		Kortfilm
2009	L'ispettore Coliandro: Sesso e segreti		TV-film
2009	Un posto al sole d'estate	Natasha	sepie
2010	Ganja Fiction	Luna	rolprent

Mode-agentskappe

• Urban Management
• Gwen Management

Bibliografie

• Pop Art, Edizioni Skira-Feltrinelli (2010) EAN 9788857208923

Eksterne skakels

• Amptelike webwerf
• Ludmilla Radchenko in die Internet-rolprentdatabasis
• Ludmilla Radchenko on Fashion Model Directory