Grootvorstedom Moskou: Verskil tussen weergawes

in Wikipedia, die vrye ensiklopedie
Content deleted Content added
k r2.7.1) (robot Bygevoeg: lt:Maskvos Didžioji Kunigaikštystė
Amirobot (besprekings | bydraes)
k r2.7.1) (robot Bygevoeg: fa:دوک نشین بزرگ مسکو
Lyn 69: Lyn 69:
[[et:Moskva suurvürstiriik]]
[[et:Moskva suurvürstiriik]]
[[eu:Moskuko Printzerria]]
[[eu:Moskuko Printzerria]]
[[fa:دوک نشین بزرگ مسکو]]
[[fi:Moskovan ruhtinaskunta]]
[[fi:Moskovan ruhtinaskunta]]
[[fr:Grande-Principauté de Moscou]]
[[fr:Grande-Principauté de Moscou]]

Wysiging soos op 20:48, 18 November 2011

Великое Княжество Московское
Velikoye Knyazhestvo Moskovskoye

Prinsdom van Moskou
1283 – 1547

Coat of arms of Moskowië
Coat of arms

Ligging of Moskowië
Ligging of Moskowië
Territoriale ontwikkeling tussen 1390 en 1530
Hoofstad Moskou
Taal/Tale Russies
Regering Monargie
Historiese tydperk Nuwe Tyd
 - Stigting 1283
 - Stigting van die Tsaredom van Rusland 22 Oktober 1547
Geldeenheid Russiese roebel

Moskowië is ’n historiese naam wat dikwels gegee word aan die Rusland van voor die hervormings van Pieter die Grote van omstreeks 1700. Moskowië was een van die opvolgerstate van Kiëf-Roes.

Die staat was aanvanklik bekend as die Prinsdom van Moskou (княжество Московское; Knjazjestwo Moskofskoje), later as die Grootprinsdom van Moskou (Великое Княжество Московское; Welikoje Knjazjestwo Moskofskoje) en eindelik as die Russiese Tsaredom (Царство Русское; Tsarstwo Roesskoje). In Russiese geskrifte word dit meestal die Grootprinsdom van Moskou genoem.

Tussen Kiëf-Roes en die Russiese Ryk

Kaart van Moskowië uit 1593, in Antwerpen gemaak.

Die ontwikkeling van Rusland strek vanaf Kiëf-Roes via Wladimir-Soezdal, Moskowië en die Russiese Tsaredom tot by die Russiese Ryk, toe die amptelike titel van die heersers verander is van tsaar na keiser. Moskowië het mense en welvaart gelok na die noordoostelike deel van die streek en handelsbetrekkinge gevestig met die Oossee, Witsee, Kaspiese See en Siberië. In dié tyd het ook ’n gesentraliseerde en outokratiese politieke stelsel ontstaan.

Met die gebruik van die naam "Moskowië" beoog sommige historici om die kultuurverskille te benadruk tussen die Rusland van voor 1700, wat om godsdienstige redes verskil het van die Wes-Europese kultuur, en die Rusland van ná 1700, toe die adel in ’n groot mate verwesters het.

Sommige historici plaas die oorgang van Moskowië in Rusland egter vroeër, in die tyd van Iwan die Verskriklike of selfs Iwan III. Laasgenoemde het die laaste onafhanklike staat van Kiëf-Roes, Nowgorod, verower, waarmee hy die vereniging van die Russiese gebiede voltooi het. Hierna het die uitdrukking leier "van die hele Rusland" ontstaan. Iwan III het ook vanaf 1476 geweier om belasting aan die Goue Horde te betaal en in 1480 ’n strafekspedisie geloods teen die Horde se khan.

Hierdie artikel is vertaal vanuit die Nederlandse Wikipedia