Aix-en-Provence: Verskil tussen weergawes

in Wikipedia, die vrye ensiklopedie
Content deleted Content added
ArthurBot (besprekings | bydraes)
k r2.6.4) (robot Bygevoeg: lmo:Aix-en-Provence
Lyn 44: Lyn 44:
[[la:Aquae Sextiae]]
[[la:Aquae Sextiae]]
[[lb:Aix-en-Provence]]
[[lb:Aix-en-Provence]]
[[lmo:Aix-en-Provence]]
[[lt:Provanso Eksas]]
[[lt:Provanso Eksas]]
[[lv:Ēksanprovansa]]
[[lv:Ēksanprovansa]]

Wysiging soos op 21:13, 18 November 2011

'n Straat in die historiese sentrum van Aix-en-Provence

Aix-en-Provence [ˌɛksɑ̃pʀɔˈvɑ̃s] is 'n universiteitstad en onderprefektuur in die Suid-Franse département Bouches-du-Rhône (région Provence-Alpes-Côte d'Azur) met 'n oppervlakte van 186,08 vierkante kilometer en 137 000 inwoners (waarvan 30 000 studente), wat in Frans Aixois genoem word.

Geografie en klimaat

Aix-en-Provence lê sowat 15 kilometer wes van die bergreeks Montagne Sainte-Victoire en 30 kilometer noord van Marseille in 'n bekken, wat deur die Arc- en Torseriviere begrens word. Die stad maak deel uit van Marseille se uitgestrekte metropolitaanse gebied met meer as een miljoen inwoners.

Aix-en-Provence is een van die mees uitgestrekte stede in Frankryk, en die stadsgebied beslaan naas Aix 'n aantal dorpe in die omgewing, soos byvoorbeeld Les Milles, Luynes, Le Tholonet, Purycard en Coutheron.

Die stad het 'n Mediterreense klimaat met warm somers en koel winters met temperature, wat soms benede vriespunt daal. Die gemiddelde temperatuur in Januarie is 5 °C, dié van Julie 22 °C. Aix-en-Provence het sowat 300 sonskyn- en 91 reëndae per jaar. Vanweë sy ligging in 'n bekken, wat laer geleë is as sy omgewing, bly warm lug dikwels oor die stad hang, terwyl die omgewing deur mikroklimaatsones met meer gematigde temperature gekenmerk word en ook meer reënval kry. Danksy die beskermde ligging word Aix net af en toe deur die Mistralwind en sy koue lugmassas geraak.