Beweging: Verskil tussen weergawes

in Wikipedia, die vrye ensiklopedie
Content deleted Content added
EmausBot (besprekings | bydraes)
k r2.6.4) (robot Bygevoeg: yo:Ìsún (físíksì)
k r2.7.1) (robot Bygevoeg: az:Mexaniki hərəkət
Lyn 22: Lyn 22:
[[ar:حركة (فيزياء)]]
[[ar:حركة (فيزياء)]]
[[ast:Movimientu]]
[[ast:Movimientu]]
[[az:Mexaniki hərəkət]]
[[be:Механічны рух]]
[[be:Механічны рух]]
[[be-x-old:Мэханічны рух]]
[[be-x-old:Мэханічны рух]]

Wysiging soos op 12:13, 19 November 2011

Beweging het verandering in posisie tot betrekking, soos in hierdie perspektief waar Yongsanstasie snel verlaat word.

Beweging is die voortdurende verandering in die posisie van 'n voorwerp. Die beweging van 'n voorwerp kan slegs waargeneem en gemeet word indien daar 'n ander punt of liggaam is om na te verwys. Die verwysingspunt waarvandaan 'n waarnemer die beweging van 'n voorwerp sien, word dikwels die waarnemer se assekruis genoem. 'n Werktuigkundige wat op 'n aanloopbaan staan, mag 'n vliegtuig in 'n suidelike rigting sien vlieg. Die vlieënier van die vliegtuig sien die werktuigkundige op die aanloopbaan in 'n noordelike rigting beweeg. Elkeen, in sy eie assekruis, sien die beweging verskillend. 'n Eenvoudige manier om vas te stel of 'n voorbeeld ten opsigte van 'n ander voorwerp beweeg, is om die reguit lyn wat hulle verbind in aanmerking te neem. Indien die reguit lyn tussen hulle in lengte of rigting verander, beweeg die een voorwerp met betrekking tot die ander een.

Spoed, snelheid en versnelling

Hoofartikels: spoed, snelheid, versnelling.

In die algemene spreektaal word die terme spoed en snelheid dikwels as sinonieme gebruik, terwyl die wetenskaplike betekenisse in werklikheid verskil. Ook versnelling het 'n baie meer presiese betekenis in die wetenskap as wat in die algemene spreektal die geval is.

Spoed

Spoed is 'n aanduiding van hoe vinnig beweging plaasvind, dit wil sê hoe ver 'n voorwerp in 'n bepaalde tyd beweeg. Die spoedmeter van 'n motor meet byvoorbeeld hoe vinnig sy beweging plaasvind. Spoed is dus die tempo waarteen afstand afgelê word. Die woord tempo impliseer dat iets per tydeenheid, dit wil sê per uur of per sekonde, geskied. Die spoedmeter gee egter geen aanduiding van die rigting waarin die beweging plaasvind nie. Spoed is dus 'n skalaar.

Snelheid

Snelheid is die tempo van verandering van verplasing, omdat die afstand wat in 'n gegewe rigting afgelê is die verplasing genoem word. Om die posisie van 'n bewegende voorwerp na verloop van 'n gegewe tyd vas te stel, moet sowel die spoed as die rigting van die beweging bekend wees.

Kinematika

Kinematika is die studie van beweging, en die fondament vir hierdie studie is gelê deur die werk van die wetenskaplikes Galileo Galilei en sir Isaac Newton.