Protestantse Hervorming: Verskil tussen weergawes

in Wikipedia, die vrye ensiklopedie
Content deleted Content added
k Bot: pt:Reforma Protestante is a featured article
k Bot: eu:Erreforma Protestantea is a featured article
Lyn 13: Lyn 13:
[[Kategorie:Christendom]]
[[Kategorie:Christendom]]
{{Link FA|pt}}
{{Link FA|pt}}
{{Link FA|eu}}


[[als:Reformation]]
[[als:Reformation]]

Wysiging soos op 09:38, 22 November 2011

Kerkvenster wat die belangrikste gebeure tydens die Protestantse Reformasie illustreer.

Die Protestantse Hervorming (ook Reformasie genoem, afgelei van die Latynse reformatio "hernuwing, herstelling") was 'n godsdienstige beweging wat deur die Duitse hervormer Martin Luther in 1517 begin is en tot die einde van die Dertigjarige Oorlog in 1648 sou voortduur.

Alhoewel Luther met sy optrede oorspronklik slegs die bestryding van wanpraktyke in die destydse Rooms-Katolieke Kerk ten doel gehad het, het die beweging uiteindelik tot die verdeling van die Westerse Christendom in die Rooms-Katolieke, Lutherse en Gereformeerde hoofstromings gelei, maar ook tot grootskaalse veranderinge in die politieke, sosiaal-kulturele en maatskaplike orde in groot dele van Europa.

Die Hervormingsbeweging is in Duitsland hoofsaaklik deur Martin Luther en in Switserland deur Johannes Calvyn en Ulrich Zwingli begin. Sy oorsake en voorlopers strek ver terug in die verlede, maar as sy begin word algemeen 1517 beskou - die jaar toe Martin Luther sy 95 stellinge aan die deur van die slotkerk te Wittenberg aangeplak het. Met die vredesluiting in Münster in 1648 is die godsdienstige hervorming voltooi en 'n einde aan die godsdienstige oorloë in Europa gemaak.

Die hervormingsbeweging was toe as gevolg van uiteenlopende leerstellings al in verskillende Protestantse kerke verdeeld. Die belangrikste denominasies, wat uit die Hervormingsbeweging voortgespruit het, is Lutherane (veral in Duitsland, Skandinawië en die Baltiese lande behalwe Litaue) en Gereformeerdes (waaronder ook Calviniste, Zwingliane en Presbiterianers; veral in Duitsland, Switserland, Nederland en Skotland). Ook die radikaal-reformatoriese Doppersbeweging het sy oorsprong in die Hervormingstydperk.

In gebiede, wat aan die Rooms-Katolieke geloof vasgehou het, is die beweerde korrupsie en wanpraktyke tydens die sogenaamde Teenreformasie beveg. Sodoende het uiteindelik ook in die Rooms-Katolieke Kerk 'n vernuwing plaasgevind. Sjabloon:Link FA Sjabloon:Link FA