Paralimpiese Somerspele 2008

XIIIe Paralimpiese Somerspele

Gehou in Beijing, Sjina Deelnemende lande 148 Deelnemende atlete meer as 4200 Items 20 sporte Openingseremonie 6 September 2008 Sluitingseremonie 17 September 2008 Amptelik geopen deur President Hu Jintao Atlete-eed Beampte-eed Hao Guohua Olimpiese vlam Hou Bin Vorige Spele 2004: Athene (Griekeland) Volgende Spele 2012: Londen (VK)

Die paralimpiese sport, doelbal word beoefen.

Oscar Pistorius

Die XIIIde Paralimpiese Somerspele was vanaf 6 September tot 17 September 2008 in Beijing, Sjina aangebied. Die geriewe wat vir die Olimpiese Somerspele 2008 opgerig is, is ook vir die geleentheid ingespan. Meer as 4 200 atlete uit 148 lande het aan die Spele deelneem.

Fakkelloop

Net soos tydens die "gewone" Spele is 'n fakkel via 'n aflos na die Olimpiese Stadion gedra waar die Olimpiese Vlam aangesteek is. Die aflos sou in verskeie lande en deur Sjina plaasgevind het, maar die roete is ingeperk en die internasionale been is gekanselleer as gevolg van die aardbewing wat Sichuan in Mei 2008 getref het. Die besluit is geneem sodat daar op reddingswerk en die slagoffers gefokus kan word.

Sporte

Twintig verskillende sportsoorte is tydens die Paralimpiese Spele beoefen word. Roei is vir die eerste keer op die program ingesluit. Die sportsoorte is:

• Atletiek, Bankdruk, Basketbal, Boccia, Doelbal, Boogskiet, Judo, Ruitersport, Rugby, Roei, Skerm, Skyfskiet, Tafeltennis, Tennis, 7-per-kant sokker, 5-per-kant sokker, Fietsry, Seil, Sitvlugbal, Swem.

Die program:

Openingseremonie

Kompetiesie

Finale

Sluitingseremonie

September	6de Sa	7de So	8ste Ma	9de Di	10de Wo	11de Do	12de Vr	13de Sa	14de So	15de Ma	16de Di	17de Wo
Boogskiet
Atletiek
Boccia
Fietsry
Ruitersport
Sokker (5 per kant)
Sokker (7 per kant)
Doelbal
Judo
Bankdruk
Roei
Seil
Skyfskiet
Swem
Tafeltennis
sitvlugbal
Rolstoel basketbal
Rolstoel skerm
Rolstoel rugby
Rolstoel tennis
Seremonies

Aantal medaljes

Hier is die voorste tien lande wat medaljes tydens die Spele verower het. Vir 'n volledige lys, sien Paralimpiese Somerspele 2008 medaljes.

Medaljes

Plek	Land	Deelnemers	Goud	Silwer	Brons	Totaal
1	Volksrepubliek China	-	89	70	52	211
2	Verenigde Koninkryk	-	42	29	31	102
3	Verenigde State	-	36	35	28	99
4	Oekraïne	-	24	18	32	74
5	Australië	-	23	29	27	79
6	Suid-Afrika	-	21	3	6	30
7	Kanada	-	19	10	21	50
8	Rusland	-	18	23	22	63
9	Brasilië	-	16	14	17	47
10	Spanje	-	15	21	22	-

Suid-Afrikaanse deelname

Die Suid-Afrikaanse Paralimpiese span van 59 atlete het op Vrydag, 29 Augustus 2008 na Beijing vertrek. Die span het 35 medaljes tydens die vorige Spele in 2004 verower en in die 13^de posisie geëindig.

Natalie du Toit het nie aan die 100m-rugslag kan deelneem nie aangesien die Suid-Afrikaanse sportvereniging vir liggaamlik gestremdes (SASVLG) haar te laat vir die item geregistreer het.

Soos tydens die Olimpiese Spele, het Natalie du Toit weer die Suid-Afrikaanse vlag tydens die openingseremonie in die Beijing Nasionale Stadion ingedra. Dit maak haar die eerste atleet in die moderne geskiedenis wat die eer gehad het om tydens beide geleenthede as vlagdraer op te tree.

Natalie du Toit het ook Suid-Afrika se eerste medalje verower toe sy op die eerste dag van die Spele 'n goue medalje tydens die 100m vlinderslag ingepalm het.

Na die tweede dag is Suid-Afrika in die vyfde posisie. Medaljes vir die dag:

• Natalie du Toit (tweede goue medalje en nuwe Paralimpiese rekord vir die 100m-vryslag)
• Charl Bouwer (goue medalje en nuwe wêreldrekord vir die 400m-vryslag)
• Philippa Johnson (goue medalje vir dressuur)
• Nicholas Newman (brons medalje vir spiesgooi)

Medaljes vir die derde dag:

• Oscar Pistorius (goud vir die 100m naelloop)

Vierde dag (Woensdag, 10 September):

• Kevin Paul (goue medalje vir die 100m borsslag en 'n nuwe wêreldrekord)
• Philippa Johnson (tweede goue medalje vir dressuur)
• Roos (silwer in verspring)
• Gavin Kilpatrick (brons vir fietsry)
• Fanie Lombard (brons vir gewigstoot)

Vyfde dag (Donderdag, 11 September):

• Natalie du Toit (derde goue medalje vir wisselslag en 'n wêreldrekord)

Sesde dag (Vrydag, 12 September):

• Natalie du Toit (vierde goue medalje vir 400m-vryslag en 'n nuwe Paralimpiese rekord)
• Fanie van der Merwe (goud vir atletiek en 'n nuwe Paralimpiese rekord)
• Hilton Langenhoven (goud vir atletiek)
• Tadhg Slattery (brons vir swem)

Sewende dag (Saterdag, 13 September):

• Oscar Pistorius (tweede goud vir 200m-naelloop)
• Hilton Langenhoven (goud vir verspring)
• Shireen Sapiro (goud vir 100m-rugslag)
• Riaan Nel (silwer vir fietsry)
• Tebogo Mokgalagadi (brons in 100m-naelloop)

Agtste dag (Sondag, 14 September):

• Natalie du Toit (vyfde goue medalje vir 50m-vryslag)
• Ernst van Dyk (goud vir fietsry)

Negende dag (Maandag, 15 September)

• Geen.

Tiende dag (Dinsdag, 16 September)

• Fanie van der Merwe (goud)
• Fanie Lombard (goud)
• Oscar Pistorius (goud)
• Hylton Langenhoven (goud)
• Ilse Hayes (silwer)

Laaste dag (17 September):

• Ernst van Dyk (brons vir atletiek)

In totaal verdien Suid-Afrika 30 medaljes (21 goud, 3 silwer en 6 brons) en eindig in die sesde plek. Hoewel Suid-Afrika 5 minder medaljes as in 2004 verower het, stoot die verhouding van goud tot die totale aantal medaljes SA op van 'n 13^de na die 6^de posisie op die wêreldranglys.

Eksterne skakels

• Die amptelike Paralimpiese webwerf