Geneesmiddel

'n Geneesmiddel is 'n middel wat ingeneem word om simptome van 'n siekte of geneeskundige toestand te verlig, of die siekte of toestand te genees.

Geneesmiddels word gewoonlik in twee groepe verdeel -- dié wat sonder voorskrif in apteke en gewone kruidenierswinkels beskikbaar is, en dié wat slegs per voorskrif vanaf geneeskundiges verkry kan word. Geneesmiddels wat sonder voorskrif verkrygbaar is, word gewoonlik beskou as só veilig dat 'n mens nie geskaad kan word as dit ingeneem word soos wat die aanwysings aandui nie.

Gepatenteerde versus generiese medisyne

Geneesmiddels word meestal deur farmaseutiese maatskappy vervaardig. Gewoonlik verkry hierdie maatskappye 'n patentreg op die produk, deurdat die maatskappy aantoon dat hy die nuwe produk ontwikkel het. Die patentreg gee aan die maatskappy die alleenreg om die middel te produseer en te verkoop. Gewoonlik is die patentreg slegs geldig vir 'n periode van twintig jaar nadat die middel ontwikkel is. Teen die tyd wat die patentreg verval het, word die geneesmiddel beskryf as generies, en kan enige ander maatskappy die produk vervaardig en verkoop.

Teen 2001 pryse, kos dit ongeveer 4,8 biljoen rand vanaf die ontwikkeling van 'n geneesmiddel tot by sy bemarking.

Metode van inname

• Oraal (per mond)
• Intramuskulêr (binnespiers)
• Intraveneus (binne-aars)
• Rektaal
• Intravaginaal
• As inhalant (inaseming)
• Transdermaal (absorpsie deur die vel)
• As oogdruppel
• As oordruppel
• As neusdruppel
• Supralinguaal (smelt in die mond, met die absorpsie deur die mondslymvlies)