Albakoor

Albakoor
Bewaringstatus
Byna bedreig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Actinopterygii
Orde:	Perciformes
Familie:	Scombridae
Tribus:	Thunnini
Genus:	Thunnus
Spesie:	T. alalunga
Binomiale naam
Thunnus alalunga (Bonnaterre, 1788)

Die Albakoor (Thunnus alalunga) is deel van die Tuna familie en kom aan die hele kuslyn van Suid-Afrika voor en wêreldwyd in koeler, dieper water. In engels staan die vis bekend as die Longfinfin Tuna of Albacore. Die vis is 'n gewilde sportvis.

Vorm

Die vis is torpedovormig, donkerblou aan die bokant en terwyl die sye en pens silwergrys is. Die vinne is geel en die anale vinne is grys. Die pektorale vinne is lank. Die gemiddelde gewig van die vis wissel van 10 tot 15 kg terwyl die Suid-Afrikaanse rekord 40 kg en die lengte van dié vis 140 cm is.

Gewoontes

Hulle verkies koeler water tipies die Augulhasstroom aan die Weskus in die wintermaande wanneer die water van 16 tot 19°C warm is en kom voor tot op dieptes van 600m. Hulle eet veral pelagiese vis en pylinkvis.

Sien ook

• Alfabetiese lys van visse
• Lys van Suider-Afrikaanse visse volgens wetenskaplike name‎

Bronne

• Top Angling Fishes of Southern Africa. Hennie Crous. 2010. ISBN 978-1-77007-403-3
• Sea Fishes of Southern Africa. Rudy van der Elst & Dennis King. 2006. ISBN 1-77007-345-0