Orania: Verskil tussen weergawes

in Wikipedia, die vrye ensiklopedie
Content deleted Content added
No edit summary
een voorstel
Lyn 34: Lyn 34:


[[Category:Suid-Afrika]]
[[Category:Suid-Afrika]]
[[Kategorie: Politiek van Suid-Afrika]]
[[Kategorie:Politiek van Suid-Afrika]]
[[Kategorie:Post-apartheidstydperk]]


[[bg:Орания]]
[[bg:Орания]]

Wysiging soos op 10:34, 11 Mei 2006

Orania is 'n Suid-Afrikaanse dorpie geleë langs die Oranjerivier in die Noord-Kaapprovinsie in die droë Karoostreek. Orania is uniek tussen Suid-Afrikaanse dorpe omdat dit moontlik die enigste alleen-Afrikaner enklawe in Suid-Afrika is — daar bestaan 'n streng verbod op inwoners of werkers wat nie Afrikaners is nie.

Lêer:Orkes.jpg
Afrikanerdae word in Orania herdenk.

Begin

In Desember 1990 het sowat 40 Afrikanerfamilies, onder leiding van Carel Boshoff, die skoonseun van die voormalige SA eerste minister Hendrik Verwoerd, die vervalle ou dorp vir sowat R1,5 miljoen gekoop. Dit was 'n paar maande ná die afskaffing van die Apartheidswette en die vrylating van Nelson Mandela. Die dorp word privaat besit deur die Vluyteskraal Aandeleblok maatskappy wat ook die dorp bestuur. Die voorsitter van die maatskappy, Prinsloo Potgieter, tree as die de facto burgemeester op.

Doel

Die doel van Orania, volgens sy stigters, is om 'n dorp te skep waar die beskerming van Afrikanerdom se kulturele erfenis sterk onderstreep word, en Afrikaner-selfwerksaamheid 'n daaglikse beoefening word, en nie net 'n idee bly nie. Alle werk, van bestuur tot handewerk, word deur Afrikaners vervul. "Ons wil nie bestuur word deur mense wie nie Afrikaners is nie," sê Potgieter. "Ons kultuur is besig om onderdruk te word, en ons kinders word gebreinspoel om Engels te praat." Geen nie-Afrikaners word toegelaat om op die dorp te woon of daarin te werk nie, deur die redenasie dat hul teenwoordigheid strydig is met die idee van Afrikaner selfwerksaamheid. In 'n land wat 'n dramatiese toename in gewelddadige misdaad beleef, geniet die dorp 'n baie lae misdaadsyfer – klein oortredings word deur die maatskappy hanteer, meestal in die vorm van klein boetes. Ten spyte van dit word Orania meestal gesien as 'n anachronisme deur meeste ander Afrikaners, veral na die 1994 verkiesings.

Lêer:Kinders.jpg
'n Straattoneel in Orania

Vorige bewegings

Die idee van 'n alleen-Afrikaner nedersetting in moderne Suid-Afrika is nie 'n nuwe idee nie. In die tagtiger jare het 'n groep regse Afrikaners, gelei deur H.F. Verwoerd se seun, 'n groep genaamd die Oranjewerkers gestig. Hulle het ook 'n gemeenskap onder "Afrikaner Selfwerksaamheid" beplan, maar was onsuksesvol in hulle poging om 'n neo-boerestaat in die afgeleë gemeenskap van Morgenzon te skep.

Orania vandag

Vandag is Orania die tuiste van 500 na 600 Afrikanerfamilies. Baie van die minder welaf gesinne het woonplek ingeneem in klein huisies in Kleingeluk. Baie van die meer gegoede inwoners, insluitend die dorpstigters, woon in die nabye woonbuurt van Grootdorp. Dit het wrywing tussen die twee groepe veroorsaak, omdat baie van die armer blankes afgesit is deur die idee van na Orania kom om "'n swart man se werk" te doen – d.w.s., werk wat voorheen deur nie-blankes in Suid-Afrika gedoen is, soos die instandhouding van erwe en straatvee.

Orania het ook sy eie skoolstelsel wat effe onortodoks is teen Suid-Afrikaanse standaarde. Die klaskamer het 'n besigheidsagtige opstelling, en is feitlik totaal gerekenariseerd. Die "onderwyser" tree meer soos 'n gids op, en anders as by die meeste skole word daar nie lesings gegee nie.

Gedurende April 2004 het Orania sy eie "geldeenheid", die "Ora" amptelik in gebruik geneem. Die beginsel is gebasseer op dieselfde idee as inkopie koepons, wat oor die algemeen deur groot inkopiesentrums reg oor Suid-Afrika ingespan word. Orania se plaaslike bank, die Orania Spaar- en Kredietkoöperatief, is in beheer van die nuwe onderneming. Die hoofdoel van die idee is om plaaslike ekonomiese groei te stimuleer deur die plaaslike hulpbronne in te span deur dit te spaar, terwyl handel steeds plaasvind deur die Ora te gebruik.

Lêer:Oraniaskou.jpg
Orania se jaarlikse skou vind plaas.

Met werkloosheid onder blankes wat met meer as 100% toegeneem het gedurende die eerste dekade van demokrasie in Suid-Afrika, glo die stadsvaders van Orania steeds dat hulle die sleutel hou tot ‘n toekoms vir Afrikaners, deur Afrikaners, sonder dat hulle deur ander volkere vertrap word.

Sien ook

Eksterne skakels