7 Oktober

7 Oktober is die 280ste dag van die jaar in die Gregoriaanse kalender (281ste in skrikkeljare). Daar volg nog 85 dae in die res van die jaar.

Gebeure

Vlag van die eertydse DDR

• 1272 - Pous Gregorius X bevestig die regte van Jode in 'n pouslike bul.
• 1391 - Pous Bonifatius IX verklaar Sint Birgitta van Swede heilig.
• 1571 - Die Ottomaanse Ryk word vir die eerste keer in 'n geveg deur die Christelike Weste verslaan, toe 'n vloot wat deur Don Johan van Oostenryk gelei is, die Ottomaanse vloot naby die golf van Korinte tydens die Slag van Lepanto verslaan.
• 1595 - Pous Clemens VIII publiseer die bul "Ex Supernae Dispositionis Arbitro waarin die Universiteit van Mexiko gestig word.
• 1624 - Pous Urbanus VIII stel drie nuwe kardinale aan, waaronder Antonio Barberini senior, sy broer.
• 1647 - Pous Innocentius X stel sewe nuwe kardinale aan, waaronder Fabrizio Savelli, aartsbiskop van Salerno.
• 1949 - Die Duitse Demokratiese Republiek (DDR) word in Oos-Berlyn in die lewe geroep. Landsvlag in beeld
• 1956 - Pous Pius XII verklaar Pous Innocentius XI salig.
• 1959 - Die Sowjet-ruimtetuig Luna 3 neem die eerste foto's van die agterkant van die Maan.
• 1985 - Die Passasierskip, die Achille Lauro, word gekaap in die Middelandse see deur Palestynse Bevrydingsfront terroriste terwyl dit vanaf Alexandria na Port Said onderweg is.
• 2000 - Henri van Luxemburg word Groothertog van Luxemburg nadat sy vader Jean vrywillig afstand van die troon gedoen het.
• 2001 - Die Verenigde State se inval van Afghanistan begin teen 16:30 UGT met 'n lugbombardement, met Taliban en Al-Qaida magte as teiken.
• 2003 - California recall: Die inwoners van Kalifornië vervang in 'n stemming die sittende goewerneur Gray Davis met die filmster Arnold Schwarzenegger. Daar was 135 kandidate.

Geboortes

• 1854 - Christiaan de Wet, Boeregeneraal tydens die Tweede Vryheidsoorlog.
• 1931 - Desmond Tutu, een van Suid-Afrika se bekendste en mees invloedryke kerkleiers, wat as vurige teenstander van die apartheidsregering in 1984 die Nobelprys vir Vrede ontvang het.
• 1952 - Vladimir Poetin, Russiese President.
• 1955 - Yo-Yo Ma, Sjinese tjellis

Sterftes

• 336 - Pous Markus
• 1943 - Ds. Paul Nel, leraar van die Nederduitse Gereformeerde Kerk en moderator van die Transvaalse Kerk.

Vakansies, vierings en waarmeningsdae

• Feesdag van Pous Markus in die Rooms-Katolieke Kerk.