Drywingselektronika

Drywingselektronika (English: Power electronics) is die transformasie en beheer van elektriese energie wat die geskikte spanning en stroom aan 'n las verskaf deur die gebruik van elektroniese komponente.

Inleiding

'n WS/GS-omsetter ("AC-DC Chopper")

Drywingselektronika omsetters word gebruik in toestelle waar dit nodig is om die vorm van elektriese energie te verander. Omsetters word in verskeie elektroniese toestelle gebruik soos om batterye te laai, elektriese motors te beheer en enige elektroniese toestel wat van die WS toevoer af werk.

Die drywing omsetting kan in vier groepe geklassifiseer word:

• WS na GS (gelykrigter)
• GS na WS (omkeerder)
• GS na GS (GS na GS omsitter)
• WS na WS (WS na WS omsitter)

Die moderne omsetters gebruik halfgeleier skakelaar toestelle en kan in drie groepe geplaas word:

• Diodes - Aan en af toestande word beheer deur drywings stroombaan.
• Tiristors - Aangeskakel deur beheer sein en afgeskakel deur drywings stroombaan.
• Beheerbare skakelaars - Aan- en afgeskakel deur beheer sein.

Oorsig van Halfgeleier Skakelaars

In drywingselektronika is daar 'n groot verskeidenheid halfgeleier skakelaars waar die seleksie van die skakelaar afhang van die soort funksie wat dit moet verrig. Elke halfgeleier skakelaar se funksie verskil soos hoe vinnig dit kan skakel, wat is die aangeslane spanning en stroom, hoe word die verskillende skakelaars beheer, ens. Hierdie tipe informasie kan van 'n databladsy afgekry word, wat help om die omsetter te ontwerp. Die halfgeleier skakelaars word in drie groepe geplaas volgens hoe dit beheer word. In die groepe is daar die verskillende tipe skakelaars, elk met hul eie funksie.

Diodes

1. Schottky diodes

2. Vinnig-herstelbare diodes

3. Lyn-frekwensie diodes

Tiristors

1. Fase-beheer tiristors

2. Inverter-grade tiristor

3. Lig-geaktiveerde tiristor

Beheerbare Skakelaars

1. BJTs

2. MOSFETs

3. GTOs

4. IGBTs