Planeet: Verskil tussen weergawes

in Wikipedia, die vrye ensiklopedie
Content deleted Content added
EmausBot (besprekings | bydraes)
k r2.7.2+) (robot Bygevoeg: mg:Fajiry
EmausBot (besprekings | bydraes)
k r2.6.4) (robot Verander: stq:Planet
Lyn 168: Lyn 168:
[[sq:Planeti]]
[[sq:Planeti]]
[[sr:Планета]]
[[sr:Планета]]
[[stq:Planete]]
[[stq:Planet]]
[[su:Planét]]
[[su:Planét]]
[[sv:Planet]]
[[sv:Planet]]

Wysiging soos op 18:31, 19 Februarie 2012

Planeet is die algemene term vir 'n groot hemelliggaam wat rondom 'n ster wentel, rond is deur sy eie swaartekrag, maar wat nie 'n maan of self 'n ster is nie. Die term kom van die Griekse woord πλανήτης, planētēs, wat swerweling beteken. Die naam is gekies aangesien antieke waarnemers gesien het dat die planete in die hemelruim rondbeweeg, teenoor die normale sterre wat staties ten opsigte van mekaar bly. Tans word daar nege planete in ons sonnestelsel deur die Internasionale Sterrekundige Vereniging erken. Hierdie lys word hoofsaaklik op historiese konsensus gebaseer. Aangesien daar nie enige wetenskaplike definisie vir 'n planeet is nie, betwis verskeie astroloë die presiese getal. Sommige voel dat Pluto nie op die lys hoort nie terwyl ander weer voel dat daar tot 'n paar dosyn planete is.

Planeetvorming

Die proses waardeur planete gevorm word, is nie heeltemal duidelik nie. Die algemene teorie is tans dat 'n nuwe ster uit 'n newelwolk onder die invloed van swaartekrag vorm. Die oorblyfsels van die wolk vorm dan 'n skyf van ruimtestof en gas wat rondom die ster wentel. Plaaslike massakonsentrasies veroorsaak dat van hierdie stof verder uit die wolk konsentreer en onder die invloed van swaartekrag bymekaar kom om planete te vorm. Wanneer die ster eindelik ontsteek, veroorsaak die sonwind dat die oorblywende vrydrywende gas en stof afgedryf word.

Hierdie teorie word egter tans meer en meer bevraagteken namate die mensdom se kennis van ander planetestelsels uitgebrei word.

Planete binne ons sonnestelsel

Hoofartikel: Sonnestelsel.

Die aanvaarde planete in ons sonnestelsel is vernoem na gode uit die Grieks-Romeinse mitologie, met die uitsondering van die aarde aangesien antieke waarnemers die aarde nie as 'n planeet beskou het nie, maar wel as die middelpunt van die heelal.

Erkende planete

Planete rofweg volgens grootte, maar nie afstand nie. Let op 'n gedeelte van die son bo aan die beeld.

Tradisioneel was daar nege planete in ons sonnestelsel, maar volgens die nuwe definisie van die Internasionale Sterrekundige Vereniging is daar agt planete in ons sonnestel, in volgorde van toenemende afstand vanaf die son:

1. Mercurius (sterrekundige simbool )
2. Venus
3. Aarde
4. Mars
5. Jupiter
6. Saturnus
7. Uranus
8. Neptunus

Volgens die nuwe definisie van 'n planeet, soos besluit deur die IAU op 24 Augustus 2006, sal Pluto nie langer as 'n planeet beskryf word nie maar as 'n dwergplaneet.

Sjabloon:Link FA Sjabloon:Link FA