Rugbywêreldbeker 2011

Rugbywêreldbeker 2011
Toernooibesonderhede
Gasheer	Nieu-Seeland
Aantal nasies	20 (91 kwalifiseer)
Finale posisies
Kampioen	Nieu-Seeland
Naaswenner	Frankryk
Derde plek	Australië
Toernooistatistiek
Wedstryde	48
Meeste punte	Morné Steyn (62)
Meeste drieë	Chris Ashton  Vincent Clerc (6 drieë)
← 2007	2015 →

Die Rugbywêreldbeker 2011 is die sewende Rugbywêreldbeker wat vanaf 9 September tot 23 Oktober 2011 in Nieu-Seeland aangebied is. Twintig lande het meegeding in 48 wedstryde versprei oor 44 dae om die Webb Ellis-beker in te palm en as die wêreldkampioene gekroon te word. Suid-Afrika was die verdedigende kampioene nadat hulle die Rugbywêreldbeker in 2007 in Frankryk gewen het. Suid-Afrika word egter in die kwarteindronde deur Australië uitgeskakel en Nieu-Seeland wen die trofee deur Frankryk met 8 - 7 in die eindstryd te klop.

Die toernooi is die grootste sportgebeurtenis wat nog in Nieu-Seeland aangebied is, groter as die Rugbywêreldbeker in 1987, Statebond Spele in 1990, Krieket Wêreldbeker in 1992, Amerika's Cup in 2003 en die toer van die Britse en Ierse Leeus na Nieu-Seeland in 2005. Die organiseerders verwag 95,000 besoekers van oorsee wat na Nieu-Seeland vir die aangeleentheid sal reis.

Wedstryde het op 9 September 2011 begin en is oor sewe weke geskeduleer. Die eindstryd het op Sondag, 23 Oktober 2011 op Edenparkstadion in Auckland plaasgevind. Die dag is gekies omdat dit op 'n lang naweek in Nieu-Seeland val (24 Oktober is hulle werkersdag).

Daar is 'n 10-ure verskil in tyd tussen Nieu-Seeland en Suid-Afrika, gevolglik is alle wedstryde vroeg oggend in Suid-Afrika gebeeldsend.

Deelnemende lande

Twintig spanne sal aan wêreldbeker deelneem. Die volgende twaalf lande kwalifiseer outomaties omdat hulle in die top drie van hulle onderskeie poele tydens die Rugbywêreldbeker in 2007 geëindig het. Die oorblywende agt spanne is ingesluit nadat hulle hulle streekgebonde kwalifiserende kompetisies gewen het. Rusland is die enigste land wat sy debuut tydens die 2011-wêreldbeker maak.

Groep A	Groep B	Groep C	Groep D
Nieu-Seeland Frankryk Tonga Kanada Japan	Argentinië Engeland Skotland Georgië Roemenië	Australië   Ierland Italië Rusland Verenigde State	Suid-Afrika Wallis Fidji Samoa Namibië

Stede waar gespeel gaan word

As gevolg van skade aan die Christchurch-stadion en die ander fasiliteite in Christchurch na die aardbewings in Februarie 2011, is op 16 Maart aangekondig dat die wedstryde wat daar gespeel sou word geskuif is. Die twee kwarteindrondes sal na Auckland geskuif word, terwyl die vyf groepwedstryde na ander stede geskuif sal word.

Auckland	Wellington	Dunedin	Auckland
Edenpark	Westpacstadion	Otagostadion (voorheen Carisbrook)	North Harbour-stadion
36°52′30″S 174°44′41″E	41°16′23″S 174°47′9″E	45°52′9″S 170°31′28″E	36°43′37″S 174°42′6″E
Kapasiteit: 60,000	Kapasiteit: 40,000	Kapasiteit: 30,000	Kapasiteit: 30,000
Hamilton			Rotorua
Waikatostadion			Rotorua Int'l Stadion
Kapasiteit: 30,000			Kapasiteit: 26,000
37°46′52″S 175°16′6″E			38°9′21″S 176°13′27″E
New Plymouth			Nelson
Yarrowstadion			Trafalgarpark
39°4′13″S 174°3′54″E			41°16′1″S 173°16′59″E
Kapasiteit: 26,000			Uitgebrei na 18,000
Invercargill	Whangarei	Napier	Palmerston North
Rugby Park-stadion	Okarapark	McLeanpark	Arena Manawatu
Kapasiteit: 17,000	Kapasiteit: 18,000	Uitgebrei na 15,000	Uitgebrei na 15,000
46°25′1″S 168°21′46″E	35°43′56″S 174°19′44″E	39°30′7″S 176°54′46″E	40°21′24″S 175°36′4″E

Wedstrydamptenare

'n Paneel van 10 skeidsregters en 11 lynregters sal vir die groepstadium gebruik word. Vir die uitklopstadium sal die 10 skeidsregters as skeidsregters, lynregters en televisiewedstrydamptenare optree.

Skeidsregters Steve Walsh Wayne Barnes Dave Pearson Romain Poite George Clancy Alain Rolland Bryce Lawrence Craig Joubert Jonathan Kaplan Nigel Owens

Lynregters Matt Goddard Graham Hughes Stuart Terheege Jérôme Garcès Simon McDowell Carlo Damasco Giulio De Santis Vinny Munro Chris Pollock Shaun Veldsman Tim Hayes

Formaat

Stede in Nieu-Seeland waar wedstryde plaasvind.

Maori-danser tydens die spel tussen Suid-Afrika en Fidji

Die toernooi word oor 44 dae tussen 20 verskillende nasies, oor 48 wedstryde gespeel. Dit begin op 7 September by die Stade de France met 'n wedstryd tussen die gasheer, Frankryk, en Argentinië. Die toernooi eindig by dieselfde stadion op 20 Oktober met die eindstryd wat sal bepaal wie die Webb Ellis-beker in 2007 wen.

Groepstadium

Die 20 nasies wat vir die 2011-Rugbywêreldbeker gekwalifiseer word, is in vier groepe verdeel. Die groepe word verdeel van groep A tot groep D en elke groep bestaan uit vyf spanne. Elke groep het een semifinalis en een kwarteindfinalis (outomatiese kwalifiseerders) van die 2007 toernooi, met die ander drie plekke wat deur die kwalifiseringstelsel gevul is. Elke nasie speel een keer teen elke ander span in hulle groep: elke nasie sal dus vier wedstryde in die groepstadium speel.

Klassifikasie binne elke groep is gegrond op die volgende puntestelsel:

• vier wedstrydpunte vir 'n oorwinning;
• twee vir 'n gelykopuitslag;
• geen vir 'n nederlaag.

Bonus punte wat bydra tot spanne se kumulatiewe wedstryd-puntetelling word toegeken in elkeen van die volgende omstandighede (een wedstrydpunt vir elke geval):

• 'n span druk vier of meer drieë (ongeag van die wedstryduitslag);
• 'n span verloor met sewe ('n verdoelde drie) of minder.

Aan die einde van die groepstadium word spanne gerangskik van die eerste na die vyfde posisie, gegrond op kumulatiewe wedstrydpunte, met die twee top spanne wat na die kwarteindstryd deurdring. As twee of meer spanne ewe veel punte behaal, word 'n kriteriastelsel van gebruik om te bepaal watter span 'n hoër rang het. Die kriteriastelsel berus op 'n gedetailleerde analise van die wedstryde waaraan die spanne deelgeneem het. As geen uitslag met die stelsel bereik kan word nie word die span wat die hoër rang op die amptelike ranglys van die IRB het die hoër rang toegeken.

Uitklopstadium

Van die begin van dié stadium af neem die toernooi 'n uitklopformaat aan wat uit agt wedstryde bestaan: vier kwarteindstryd wedstryde, twee halfeindstryd wedstryde, 'n derde-plek-wedstryd en die eindstryd.

Die wenner en naaswenner van elk van die groepe dring na die uitklopstadium deur. groepwenners speel teen naaswenners in ander groepe in die kwarteindstrydwedstryde, byvoorbeeld: die wenner van groep A speel teen die naaswenner van groep B en die wenner van groep B speel teen die naaswenner van groep A.

Elke wedstryd in die uitklopstadium moet met 'n oorwinning vir een van die spanne eindig. As daar na tagtig minute van gewone spel 'n gelykopuitslag is, word daar verder gespeel om te bepaal wie die wenner is. Aanvanklik word daar twee periodes van ekstra tyd gespeel, 10 minute in elke rigting: as daar dan steeds geen wenner is nie word daar vir tien minute gespeel in 'n uitklop-formaat, waar die eerste span wat daarin slaag om punte te behaal, wen. As daar steeds nie 'n wenner is na 110 minute nie word die wenner bepaal deur 'n stelskopkompetisie.

2011-effek op 2015-kwalifisering

Anders as tydens die 2011 Rugbywêreldbeker sal die top drie spanne in elke groep outomaties vir die 2015 Rugbywêreldbeker in Engeland kwalifiseer. Die vier semifinaliste sal gekeur word vir die 2015-toernooi.

Toernooiprogram en uitslae

Groepwedstryde

Wedstryd van 17 September, Suid-Afrika verslaan Fidji met 49-3.

Die 20 nasies wat vir die 2011-Rugbywêreldbeker gekwalifiseer het, is in vier groepe verdeel. Die groepe word verdeel van groep A tot groep D en elke groep bestaan uit vyf spanne. Elke groep het een semifinalis en een kwarteindfinalis (outomatiese kwalifiseerders) van die 2007 toernooi, met die ander drie plekke wat deur die kwalifiseringstelsel gevul is. Elke nasie speel een keer teen elke ander span in hulle groep: elke nasie sal dus vier wedstryde in die groepstadium speel.

Klassifikasie binne elke groep is gegrond op die volgende puntestelsel:

• vier wedstrydpunte vir 'n oorwinning;
• twee vir 'n gelykopuitslag;
• geen vir 'n nederlaag.

Bonus punte wat bydra tot spanne se kumulatiewe wedstryd-puntetelling word toegeken in elkeen van die volgende omstandighede (een wedstrydpunt vir elke geval):

• 'n span druk vier of meer drieë (ongeag van die wedstryduitslag);
• 'n span verloor met sewe ('n verdoelde drie) of minder.

Aan die einde van die groepstadium word spanne gerangskik van die eerste na die vyfde posisie, gegrond op kumulatiewe wedstrydpunte, met die twee top spanne wat na die kwarteindstryd deurdring. As twee of meer spanne ewe veel punte behaal, word 'n kriteriastelsel van gebruik om te bepaal watter span 'n hoër rang het. Die kriteriastelsel berus op 'n gedetailleerde analise van die wedstryde waaraan die spanne deelgeneem het. As geen uitslag met die stelsel bereik kan word nie word die span wat die hoër rang op die amptelike ranglys van die IRR het die hoër rang toegeken.

Groep A

Plek	Land	Wedstryde				Doelpunte			Bonus punte	Punte
		gespeel	wen	gelyk	verloor	vir	teen	saldo
1	Nieu-Seeland	4	4	0	0	240	49	+191	4	20
2	Frankryk	4	2	0	2	124	96	+28	3	11
3	Tonga	4	2	0	2	80	98	-18	1	9
4	Kanada	4	1	1	2	82	168	-86	0	6
5	Japan	4	0	1	3	69	184	-115	0	2

Wedstryd van 2 Oktober, Nieu-Seeland verslaan Kanada met 79-15.

Datum		Uitslag		Stadion	Stad
9 September	Nieu-Seeland	41 – 10	Tonga	Edenpark	Auckland
10 September	Frankryk	47 – 21	Japan	North Harbour-stadion	North Shore
14 September	Tonga	20 – 25	Kanada	Okarapark	Whangarei
16 September	Nieu-Seeland	83 – 7	Japan	Waikatostadion	Hamilton
18 September	Frankryk	46 – 19	Kanada	McLeanpark	Napier
21 September	Tonga	31 – 18	Japan	Okarapark	Whangarei
24 September	Nieu-Seeland	37 – 17	Frankryk	Edenpark	Auckland
27 September	Kanada	23 – 23	Japan	McLeanpark	Napier
1 Oktober	Frankryk	14 – 19	Tonga	Westpacstadion	Wellington
2 Oktober	Nieu-Seeland	79 – 15	Kanada	Westpacstadion	Wellington

Opmerkings:

• Nieu-Seeland se kaptein, Richie McCaw speel sy 100ste toetswedstryd op 24 September 2011 teen Frankryk. Hy is die eerste All Black wat die eer te beurt val.

Groep B

Plek	Land	Wedstryde				Doelpunte			Bonus punte	Punte
		gespeel	wen	gelyk	verloor	vir	teen	saldo
1	Engeland	4	4	0	0	137	34	+103	2	18
2	Argentinië	4	3	0	1	90	40	+50	2	14
3	Skotland	4	2	0	2	73	59	+14	3	11
4	Georgië	4	1	0	3	48	90	-42	0	4
5	Roemenië	4	0	0	4	44	169	-125	0	0

Wedstryd van 10 September, Engeland verslaan Argentinië met 13-9.

Datum		Uitslag		Stadion	Stad
10 September	Skotland	34 – 24	Roemenië	Rugby Park-stadion	Invercargill
10 September	Argentinië	9 – 13	Engeland	Otagostadion	Dunedin
14 September	Skotland	15 – 6	Georgië	Rugby Park-stadion	Invercargill
17 September	Argentinië	43 – 8	Roemenië	Rugby Park-stadion	Invercargill
18 September	Engeland	41 – 10	Georgië	Otagostadion	Dunedin
24 September	Engeland	67 – 3	Roemenië	Otagostadion	Dunedin
25 September	Argentinië	13 – 12	Skotland	Westpacstadion	Wellington
28 September	Georgië	25 – 9	Roemenië	Arena Manawatu	Palmerston North
1 Oktober	Engeland	16 – 12	Skotland	Edenparkstadion	Auckland
2 Oktober	Argentinië	25 – 7	Georgië	Arena Manawatu	Palmerston North

Groep C

Plek	Land	Wedstryde				Doelpunte			Bonus punte	Punte
		gespeel	wen	gelyk	verloor	vir	teen	saldo
1	Ierland	4	4	0	0	135	34	+101	1	17
2	Australië	4	3	0	1	173	48	+125	3	15
3	Italië	4	2	0	2	92	95	-3	2	10
4	Verenigde State	4	1	0	3	38	122	-84	0	4
5	Rusland	4	0	0	4	57	196	-139	1	1

Wedstryd van 23 September, Australië verslaan die Verenigde State met 67-5.

Datum		Uitslag		Stadion	Stad
11 September	Australië	32 – 6	Italië	North Harbour-stadion	Auckland
11 September	Ierland	22 – 10	Verenigde State	Yarrowstadion	New Plymouth
15 September	Rusland	6 – 13	Verenigde State	Yarrowstadion	New Plymouth
17 September	Australië	6 – 15	Ierland	Edenparkstadion	Auckland
20 September	Italië	53 – 17	Rusland	Trafalgarpark	Nelson
23 September	Australië	67 – 5	Verenigde State	Westpacstadion	Wellington
25 September	Ierland	62 – 12	Rusland	Rotorua Internasionale Stadion	Rotorua
27 September	Italië	27 – 10	Verenigde State	Trafalgarpark	Nelson
1 Oktober	Australië	68 – 22	Rusland	Trafalgarpark	Nelson
2 Oktober	Ierland	36 – 6	Italië	Otagostadion	Dunedin

Opmerkings:

• Ierland sorg vir die eerste verrassing deur Australië op 17 September met 'n telling van 22 – 10 te wen.

Groep D

Plek	Land	Wedstryde				Doelpunte			Bonus punte	Punte
		gespeel	wen	gelyk	verloor	vir	teen	saldo
1	Suid-Afrika	4	4	0	0	166	24	+142	2	18
2	Wallis	4	3	0	1	180	34	+146	3	15
3	Samoa	4	2	0	2	91	49	+42	2	10
4	Fidji	4	1	0	3	59	167	-108	1	5
5	Namibië	4	0	0	4	44	266	-222	0	0

Wedstryd van 30 September, Suid-Afrika verslaan Samoa met 13-5.

Datum		Uitslag		Stadion	Stad
10 September	Fidji	49 – 25	Namibië	Rotorua Internationale Stadion	Rotorua
11 September	Suid-Afrika	17 – 16	Wallis	Westpacstadion	Wellington
14 September	Samoa	49 – 12	Namibië	Rotorua Internasionale Stadion	Rotorua
17 September	Suid-Afrika	49 – 3	Fidji	Westpacstadion	Wellington
18 September	Wallis	17 – 10	Samoa	Waikato-stadion	Hamilton
22 September	Suid-Afrika	87 – 0	Namibië	North Harbour-stadion	North Shore
25 September	Fidji	7 – 27	Samoa	Edenparkstadion	Auckland
26 September	Wallis	81 – 7	Namibië	Yarrowstadion	New Plymouth
30 September	Suid-Afrika	13 – 5	Samoa	North Harbour-stadion	North Shore
2 Oktober	Wallis	66 – 0	Fidji	Waikato-stadion	Hamilton

Opmerkings:

• Op 22 September wen Suid-Afrika vir Namibië met 87 - 0. Dit is die meeste punte wat Suid-Afrika nog tydens 'n Wêreldbekerwedstryd kon aangeteken. Bryan Habana oortref ook Joost van der Westhuizen se Suid-Afrikaanse rekord vir meeste toetsdrieë in die 22ste minuut toe hy sy 39ste drie in die Groen-en-Goud gedruk het.

Uitklopstadium

Die Webb Ellis-beker waarvoor meegeding sal word.

Nieu-Seeland nadat hulle in 2011 as die wêreldkampioene gekroon is.

Die top agt spanne uit die voorafgaande fase dring deur tot die uitklopfase wat begin met die kwarteindstrydwedstryde. Die wenners van die kwarteindstryd speel in die halfeindstryd teen mekaar met die verloorders in die halfeindstryd wat om die derde plek speel en die wenners wat teen mekaar speel om die 2011 kampioenskap.

Uitklopwedstryde

Tye word in Suid-Afrikaanse Standaardtyd aangedui:

	kwarteindstryd				halfeindstryd				finale
	8 Oktober om 7:00 - Wellington
	Ierland	10
					15 Oktober om 10:00 - Auckland
	Wallis	22
					Wallis	8
	8 Oktober om 9:30 - Auckland
					Frankryk	9
	Engeland	12
									23 Oktober om 10:00 - Auckland
	Frankryk	19
									Frankryk	7
	9 Oktober om 7:00 - Wellington
									Nieu-Seeland	8
	Suid-Afrika	9
					16 Oktober om 10:00 - Auckland
	Australië	11
					Australië	6			Uitspeel om derde plek
	9 Oktober om 9:30 - Auckland
					Nieu-Seeland	20			21 Oktober om 9:30 - Auckland
	Nieu-Seeland	33
									Wallis	18
	Argentinië	10
									Australië	21