Laerskool Jan van Riebeeck: Verskil tussen weergawes

in Wikipedia, die vrye ensiklopedie
Content deleted Content added
Morne (besprekings | bydraes)
No edit summary
Graaf (besprekings | bydraes)
Lyn 29: Lyn 29:


==Verwysings==
==Verwysings==
[http://www.jvrprim.co.za/ Amptelike webwerf]
{{reflist|2}}
{{reflist|2}}



Wysiging soos op 17:47, 19 Maart 2012

Die skool het in 1927 sy huidige perseel by Kloofstraat 52 betrek.

Die Laerskool Jan van Riebeeck het op 31 Januarie 1921 in Kaapstad ontstaan en is die oudste asook een van die bekendste Afrikaansmedium laerskole in Suid-Afrika. Die skool het in in 2012 319 leerders gehad, waarvan 52 in gr. 1 en 47 in gr. 7, vergeleke met 309 in 2010, waarvan 41 in gr. 1 was en 36 in gr. 7. In 2012 was die grootste klas die gr. R's met 60 leerders.[1]

Ontstaan

As tuiste vir die skooltjie is 'n gebou aangrensend tot Rosmead in twee klaskamers omskep. Dit was tot in daardie stadium 'n stal. Op die eerste dag het 23 leerlinge, seuns en meisies, hulle hier ingeskryf, en die volgende dag nog een. Die medium van onderrig was Afrikaans en die skool het tot graad ses gestrek. Die eerste hoof was mej. Tiba le Roux, wat die hulp van nog 'n onderwyser, mej. W. Seeliger, gehad het. 'n Inspeksieverslag van dieselfde jaar meld: "The enrolment was small and did not justify the employment of two teachers but action will probably be unnecessary as the school ought to grow." So het dit gebeur, want die volgende jaar was daar 36 inskrywings, twee jaar later 48 en drie jaar daarna, 160.

Huidige gebou

Die gebou langs die huis Rosmead het aan Vinestraat gegrens en so het dit die naam Vinestraat-Skool gekry. Die skool het so uitgebrei dat die "lugtige skoolkamers" spoedig te klein geraak het. In 1927 is 'n nuwe gebou op die huidige terrein aan Kloofstraat gebou wat die vorige jaar uit die Vinestraat-Skool gegroei het. Op 15 Junie 1926 is op 'n skoolraadsvergadering besluit om die skool te doop tot die Jan van Riebeeck Skool Kaapstad en dat die skool se kleure "oranje en groen met wit strepies vir afsitting" sal wees. By dieselfde geleentheid is tot die plegtige leuse "Wees uself" besluit. Twee jaar later is die kleure verander na oranje, wit en blou - die kleure van die Van Riebeeck-vlag, met oranje wat beskerming, wit reinheid en blou kalmte voorstel. Daar is ook tot 'n skoolwapen met drie ringe besluit na aanleiding van die drie goue ringe teen 'n rooi agtergrond op die volksplanter se wapen.

Skoollied

Die skool se skoollied lui as volg:

Waar Suidoos se spierwit pluime

oor ou Tafelberg afval,
en teen Vlaeberg se hange die
kanonskoot twaalfuur knal:
waar die see se blinkblou branders
teen ou Tafelbaai aanspoel,
staan ons skool, die Jan van
Riebeeck, met ‘n groot en edel doel.
Vas en stewig soos die berge is ons
moedertaal geplant,
liefde daarvoor sal ons uitdra oor
ons hele vaderland.
In ons werk en in ons lewe streef
ons al wat goed is na,
want ons skool sal van ons altyd net
die allerbeste vra.

Verwysings

Amptelike webwerf