Maxime Verhagen

Maxime Verhagen

Maxime Jacques Marcel Verhagen (gebore 14 September 1956 in Maastricht) is 'n Nederlandse historikus en politikus, wat aan die Christen-Demokratiese Appèl (CDA) behoort. Hy is minister van Ekonomiese Sake, Landbou en Innovasie, vise-minister-president asook die politieke leier van sy party.

Verhagen het aan die Universiteit Leiden geskiedenis gestudeer. Van 1984 tot 1989 het hy vir die Tweede Kamer-groep van die CDA gewerk. Van 1986 tot 1990 het hy 'n lid van die munisipale raad van Oegstgeest en van 1989 tot 1994 van die Europese Parlement gewees. Van 1994 tot 2007 en in 2010 het hy 'n lid van die Tweede Kamer gewees, van 2002 tot 2006 en in 2010 ook as parlementêre verteenwoordiger.

Van 22 Februarie 2007 tot 14 Oktober 2010 was hy minister van Buitelandse Sake in die kabinette Balkenende III en Balkenende IV. Sedert 9 Junie 2010 is hy partyleier en sedert 14 Oktober 2010 ook minister van Ekonomiese Sake, Landbou en Innovasie asook vise-minister-president in die Rutte-kabinet.

Maxime Verhagen woon in Voorburg, is getroud en het drie kinders. Hy is 'n lid van die Rooms-Katolieke Kerk.

Eksterne skakels

• (nl) Drs. M.J.M. (Maxime) Verhagen, Parlement & Politiek