Gay

Die sogenaamde "Gay Pride"-vlag

Die Engelse woord gay het tradisioneel beteken "sorgeloos", "gelukkig" of "opgeruimd", maar in hedendaagse gebruik kom dit gewoonlik neer op die beskrywing van iemand se seksuele oriëntering as homoseksualiteit, met ander woorde gekenmerk deur aantrekking tot dieselfde geslag.

Gay verwys ook na die kultuur van homoseksuele mans sowel as vrouens, of na iets wat deur die meeste mense as kenmerkend homoseksueel beskou word, byvoorbeeld "gay-musiek", "gay-kleredrag" of "gay-maniere". Hoewel die woord gay meesal na mans sowel as vroue verwys, word die onderskeid tussen die twee geslagte soms getref deur die gebruik van die term "Lesbiër" vir 'n vrou en "gay-man" vir 'n man.

Hoewel die term "homofiel" soms in verband met gays gebruik word, word dit deur baie as kwetsend ervaar, omdat dit sterk herinner aan benamings vir mense met 'n siektetoestand, soos byvoorbeeld hemofiel (bloeier) en "pedofiel" (iemand met die afwyking waarby kinders voorkeur as seksobjek kry).

Sien ook

• Homofobie, ook bekend as homohaat.

Eksterne skakels

• Suid-Afrikaans gay-webportaal
• Een van die eerste gay-webportale in SA, Q-online