Waenhuiskrans

Arniston Waenhuiskrans
Arniston
Koördinate: 34°40′0″S 20°13′50″O
Land	Suid-Afrika
Provinsie	Wes-Kaap
Distriksmunisipaliteit	Overberg
Plaaslike Munisipaliteit	Kaap Agulhas
Bevolking
• Totaal	1 250
Tydsone	UTC+2 (SAST)
Webwerf	http://www.arniston.co.za/

Arniston is 'n kusdorpie aan die Indiese Oseaan in die Wes-Kaap, Suid-Afrika. Die dorpie is vernoem na die HMS Arniston wat op 30 Mei 1815 hier gestrand het. Slegs ses van 378 persone aan boord het oorleef. Amptelik is die dorp se naam Waenhuiskrans na aanleiding van 'n grot soos 'n waenhuis so 2km suid van die dorp. Arniston is 'n gewilde visvangplek.

Betrokkenheid tydens die Tweede Wêreldoorlog

Tydens die Tweede Wêreldoorlog was dit nie alleen die suidelike noorkapperwalvisse wat Waenhuiskrans besoek het nie, maar ook ander grys burgers van die see wat langs die diep kus verbybeweeg en vlugtig opgekom het om toegang tot die strand te verkry. Dit was U-bote van die Nazi-regering wat 133 skepe langs die Suid-Afrikaanse kus tussen 1942 – 1945 gesink het. Die see naby Kaap Agulhas was die middelpunt van die Unterboot-bedrywighede. Soos die Hollandse matrose van ouds, het die Duitse bemanning vars verversings nodig gehad, maar hierby ook diesel. Die Nazi-ondersteuners uit die kontrei was tog te bly om vars plaasprodukte te voorsien. Volgens oorlewering het daar geheime tennisspele op die strand by Arniston plaasgevind. Net ’n hanetreetjie van Potberg af, langs De Hoop se kus, het die U-bote in die diepe waters geskuil. ’n Bekende palingvisserman is aangestel om op die uitkyk na U-bote te wees. ’n Spesiale telefoonverbinding is vir hierdie doel geïnstalleer. ’n Witsandwinkelier het die Duitse bemanning met diesel verskaf, totdat die polisie ingelig en sy gewaarsku is dat ’n lokval gestel is.

Verwysings en bronne

• Op Pad in Suid-Afrika. BPJ Erasmus. 1995. ISBN 1-86842-026-4

Sien ook

• Spookplekke in Suid-Afrika

• 
  Grotte teen die kuslyn te Arniston.
• 
  'n Blik oor Arniston.