Limpopo: Verskil tussen weergawes
→Demografie: tale |
No edit summary |
||
| Lyn 60: | Lyn 60: | ||
== Geografie == |
== Geografie == |
||
Limpopo beslaan 'n oppervlakte van 123 910 vierkante kilometer en is hoofsaaklik wes en suid van die |
Limpopo beslaan 'n oppervlakte van 123 910 vierkante kilometer en is hoofsaaklik wes en suid van die Limpoporivier geleë. |
||
=== Ligging en topografie === |
=== Ligging en topografie === |
||
Limpopo word begrens deur [[Zimbabwe]] in die noorde, [[Botswana]] in die weste en [[Mosambiek]] in die ooste. Aan die suidekant van die provinsie lê die Suid-Afrikaanse provinsies [[Noordwes]], [[Gauteng]] en [[Mpumalanga]]. Die Limpoporivier vorm Limpopo se |
Limpopo word begrens deur [[Zimbabwe]] in die noorde, [[Botswana]] in die weste en [[Mosambiek]] in die ooste. Aan die suidekant van die provinsie lê die Suid-Afrikaanse provinsies [[Noordwes]], [[Gauteng]] en [[Mpumalanga]]. Die Limpoporivier vorm Limpopo se grense met Botswana en Zimbabwe. Die provinsie het verskeie groot berge, met die Waterberg-, Strydpoortberg- en Drakensbergreeks in die suide en die Soutpansbergreeks in die noorde. Die subtropiese noorde is bosveld met kremetartbome, terwyl die weste meestal deur grasvlaktes gekenmerk word. |
||
== Ekonomie == |
== Ekonomie == |
||
Wysiging soos op 12:53, 16 April 2012
| Lêer:Coat of arms of Limpopo.svg | |
| |
| Oppervlak | 123 910 vk km |
| Bevolking (2011) | 5 554 657 |
| Bevolkingsdigtheid | 44 / vk km |
| Tale (2001) | Sepedi (52,1%) Xitsonga (22,4%) Thsivenda (15,9%) Afrikaans (2,6%) |
| Etniese verdeling[1] (2007) | Swart (97,5%) Blank (2,2%) Kleurling (0,2%) Asiër (0,2%) |
| Hoofstad | Polokwane (Pietersburg) |
| Premier |
Cassel Mathale (ANC) |
Limpopo is 'n provinsie in Suid-Afrika. Die hoofstad is Polokwane (voorheen Pietersburg). Die provinsie kry sy naam van die Limpoporivier wat die mees noordelike rivier in Suid-Afrika is en die grens tussen Suid-Afrika en Zimbabwe vorm.
Limpopo, wat vroeër as die Noordelike Provinsie bekend gestaan het, kry sy naam van die Limpoporivier, wat sy noordgrens vorm. Voor 1994 was hy bekend as Noord-Transvaal. Dit sluit ook die gebiede in van die destydse tuislande Venda en Lebowa.
Ander belangrike plekke is Louis Trichardt, Messina (Musina), Phalaborwa, Potgietersrus (Mokopane), Thabazimbi en Warmbad (Bela Bela).
Besienswaardighede
Die bekendste toeriste-aantrekkings in Limpopo is die Nasionale Krugerwildtuin, waarvan die noordelike gedeeltes in Limpopo geleë is, die wêrelderfenisgebied van die Nasionale Mapungubwepark, die Waterberg-bergreeks met die Welgevonden-natuureservaat, die warm mineraalbaddens van Warmbad (Bela-Bela) en ook Tshipise, die sogenaamde kulturele dorpe (Engels: cultural villages) van die plaaslike swart volke en die tradisionele stamgebied van die VhaVenda.
Die Vendabevolking in die Soutpansberg-streek en in die gebied van Modjadji, die opvolger van die legendariese Reënkoningin, beskik oor 'n ryk erfenis van legendes en mistiek. Die laaste opvolger van die Reënkoningin is in 2005 oorlede. Die heilige meer van die Venda, die Fundudzi-meer, het nog steeds sy eie priesteres.
Die Ivoorroete volg die spore van die vroeë ivoorjagters en goudhandelaars.
Vroeë geskiedenis
Die wêrelderfenisgebied van die Nasionale Mapungubwepark pronk met argeologiese vondse uit die tydperk van 'n magtige plaaslike koninkryk wat hier tussen 800 en 1290 n.C. bestaan het. Die oorblyfsels van 'n nedersetting uit die tydperk tussen die 15de en 17de eeu kan in Thulamela in die noordelike gedeelte van die Nasionale Krugerwildtuin besigtig word.
Demografie
Volgens sensussyfers was Limpopo se totale bevolking 5 273 642 in die jaar 2001. Die tale van die plaaslike swart bevolking is Noord-Sotho of Sepedi (die moedertaal van 52,1 persent van die bevolking), Xitsonga (22,4 persent) en Thsivenda (15,9 persent). Die meeste blankes in die provinsie is Afrikaners (2,4%), en 2,6 persent van die bevolking praat Afrikaans as moedertaal.
Geografie
Limpopo beslaan 'n oppervlakte van 123 910 vierkante kilometer en is hoofsaaklik wes en suid van die Limpoporivier geleë.
Ligging en topografie
Limpopo word begrens deur Zimbabwe in die noorde, Botswana in die weste en Mosambiek in die ooste. Aan die suidekant van die provinsie lê die Suid-Afrikaanse provinsies Noordwes, Gauteng en Mpumalanga. Die Limpoporivier vorm Limpopo se grense met Botswana en Zimbabwe. Die provinsie het verskeie groot berge, met die Waterberg-, Strydpoortberg- en Drakensbergreeks in die suide en die Soutpansbergreeks in die noorde. Die subtropiese noorde is bosveld met kremetartbome, terwyl die weste meestal deur grasvlaktes gekenmerk word.
Ekonomie
Landbou en minerale vorm saam die ruggraat van die ekonomie van Limpopo, terwyl die toerismebedryf ook ontwikkel word. Daar is groot kopermyne in Messina en Phalaborwa. Daarbenewens word minerale soos koper, asbes, steenkool, ystererts en platinum ontgin. In die subtropiese noorde word onder meer lemoene, piesangs, avokado's, mango's, papajas, koejawels en lietjies gekweek, en in die suide mielies, sonneblomme, katoen, druiwe en grondboontjies. Beesboedery word hoofsaaklik in die weste beoefen. In die omgewing van Tzaneen is tee- en sitrusplantasies aangelê.
Bronne
Verwysings
| Provinsies van Suid-Afrika | 
|
|---|---|
| Gauteng | KwaZulu-Natal | Limpopo | Mpumalanga | Noord-Kaap | Noordwes | Oos-Kaap | Vrystaat | Wes-Kaap | |