Cillié Malan: Verskil tussen weergawes

in Wikipedia, die vrye ensiklopedie
Content deleted Content added
Morne (besprekings | bydraes)
No edit summary
Morne (besprekings | bydraes)
No edit summary
Lyn 8: Lyn 8:
| Geboorteplek = [[Mutare|Umtali]], [[Suid-Rhodesië]]
| Geboorteplek = [[Mutare|Umtali]], [[Suid-Rhodesië]]
| Sterftedatum = [[6 Julie]] [[2006]]
| Sterftedatum = [[6 Julie]] [[2006]]
| Sterfteplek = [[Strand], [[Wes-Kaap]]
| Sterfteplek = [[Strand]], [[Wes-Kaap]]
| Kerkverband = [[Nederduitse Gereformeerde Kerk|Nederduits Gereformeerd]]
| Kerkverband = [[Nederduitse Gereformeerde Kerk|Nederduits Gereformeerd]]
| Gemeente = [[NG gemeente Bezuidenhoutsvallei|Bezuidenhoutsvallei]], [[Hermanus]], [[NG gemeente Brixton|Brixton]], [[Memel]], [[Barkly-Oos]], Vanderbijlpark-Wes, Noordwesrand (tans Muldersdrif)
| Gemeente = [[NG gemeente Bezuidenhoutsvallei|Bezuidenhoutsvallei]], [[Hermanus]], [[NG gemeente Brixton|Brixton]], [[Memel]], [[Barkly-Oos]], Vanderbijlpark-Wes, Noordwesrand (tans Muldersdrif)

Wysiging soos op 16:04, 18 April 2012

Ds. Cillié Malan
Ds. Cillié Malan. Dié portret is geneem tydens sy dienstyd in
Ds. P.C. Malan

Naam Pieter Cillié Malan
Geboorte 20 Maart 1919
Umtali, Suid-Rhodesië
Sterfte 6 Julie 2006
Strand, Wes-Kaap
Kerkverband Nederduits Gereformeerd
Gemeente(s) Bezuidenhoutsvallei, Hermanus, Brixton, Memel, Barkly-Oos, Vanderbijlpark-Wes, Noordwesrand (tans Muldersdrif)
Jare aktief 1949-1984
Kweekskool Kweekskool, Stellenbosch

Ds. Pieter Cillié (PC) Malan (Umtali, Suid-Rhodesië, 20 Maart 1919 - Strand, 6 Julie 2006) was 'n predikant in die Nederduitse Gereformeerde Kerk en die leraar van sewe gemeentes plus twee waarin hy ná sy aftrede pastorale hulp was.

Herkoms

Malan is in die pastorie op Umtali gebore waar sy pa, ds. W.C. Malan, die leraar was. Wynand Charl Malan is reeds in 1915 gelegitimeer en in 1916 in die gemeente Umtali ontvang en bevestig. Ná Umtali vertrek hy in 1923 na Cedarville en in 1925 na Goedgegun (in Swaziland). In 1933 word hy gedemitteer, maar in 1952 weer beroepbaar gestel, waarna hy in van 1955 Olifantsfontein bedien tot hy in 1960 emeriteer ná 'n 44 jaar lange bediening. Hy sterf op 25 Maart 1984, toe hy een van die oudste leraars in die NG Kerk was.

Opleiding

Cillié Malan is vernoem na sy oupa aan moederskant, Pieter Cillié, lid van die ou Kaapse Wetgewende Vergadering vir Wagenmakersvallei (Wellington). Hy matrikuleer aan die Afrikaanse Hoër Seunskool in Pretoria, waar hy as voortreflike atleet talle rekords opstel en as kaptein van die eerste rugbyspan Affies lei na hul eerste oorwinning in die Administrateursbeker. Hy voel geroepe om predikant te word en studeer eers aan die Universiteit van Pretoria waar hy die BA- (Admissie) graad behaal. In 1948 studeer hy as aan die Kweekskool op Stellenbosch.

Gemeentes

Op 23 April 1949 word hy met handeoplegging in die toe vyf jaar oue NG gemeente Bezuidenhoutsvallei in die ooste van Johannesburg ontvang en bevestig. Hy vertrek hierna na Hermanus waar hy bevestig word op 14 Maart 1953, ses dae voor sy 34ste verjaardag. Ook hier arbei hy net enkele jare, want op 21 Januarie 1956 bevind hy hom terug in die Goudstad, nou aan die teenoorgestelde kant van die middestad, toe hy leraar van die NG gemeente Brixton word.

Ná slegs twee jaar vertrek hy na die klein Oos-Vrystaatse dorpie Memel waar hy leraar bly van 1958 tot 1962. Sy volgende gemeente is Barkly-Oos in die bergwêreld van die Noordoos-Kaap. In 1966 keer hy weereens terug na Transvaal as leraar van die NG gemeente Vanderbijlpark-Wes. In sy laaste gemeente, Noordwesrand (tans Muldersdrif), bly hy die langste, naamlik van 1970 tot hy sy emeritaat aanvaar op 9 Mei 1984 toe hy reeds meer as 65 jaar oud was. Hierna is hy nog as pastorale hulp in die gemeentes Margate (in KwaZulu-Natal) en Waterberg-Noord (op Vaalwater in die destydse Noord-Transvaal) behulpsaam. In sy 35 jaar lange bediening het hy dus in gemeentes in sewe van die huidige 10 Sinodes gewerk: Wes-en-Suid-Kaapland, Oos-Kaapland, Vrystaat, KwaZulu-Natal, Wes-Transvaal, Noordelike en Hoëveld.

Persoonlike lewe

Malan is in 1952 getroud met Joey Odendaal, 'n plaasdogter en onderwyseres van Memel in die Vrystaat. Twee seuns is uit die huwelik gebore, naamlik Jacques en Albertus, asook 'n dogter, Sarie. Joey sterf in 1991 en mettertyd staan hy al drie sy kinders aan die dood af. Hy bly alleen agter en verwerk die verlies van sy geliefdes baie moeilik. Hy verhuis later jare na 'n aftreeoord in Pretoria en eindelik na PAM Brink Tehuis vir Bejaardes in die Strand, waar hy in die nabyheid van sy broer, Awie, is. Abraham Hugo Malan was ook 'n NG predikant: van 1945 in die NG gemeente Meru in die huidige Tanzanië, van 1948 op Ladysmith, van 1952 in NG gemeente Die Strand, 1958 Saldanha-Militêr, 1961 Vrede, 1964 Vanderbijlpark-Suid, 1969 Krugersdorp-Noord, 1973 Kameeldrif, 1977 Tuinrand (Pretoria) en van 1983 tot sy aftrede in 1988 in die NG gemeente Durban.

Gemeentes

Bronne

  • Maree, W.L. (red.) 1985. Jaarboek 1985 van die Nederduitse Gereformeerde Kerke. Pretoria: Tydskriftemaatskappy van die Nederduitse Gereformeerde Kerke.
  • Symington, Johann (hoofred.). 2008. Jaarboek van die Nederduitse Gereformeerde Kerke. Wellington: Tydskriftemaatskappy.