Jean Pellissier

Eerw. Jean Pellissier.

Eerw. Jean Pierre Pellissier (St. Aray, Grenoble, 28 September 1808 - Bethulie, Vrystaat, 11 Junie 1867) was 'n Franse sendeling in Suid-Afrika en die oupa van onder meer Mabel Jansen, Samuel Henri Pellissier en George Murray Pellissier.

Pellissier was die seun van eenvoudige kleinboere in Frankryk en ontvang sy opleiding aan die Paryse Evangeliese Sending en kom in Suid-Afrik aan in 1831 om hom aan te sluit by sy kollegas, S. Roland en J.L.P. Lemue op Kuruman. Hulle het probeer om 'n sendingstasie te stig op Mosega naby die teenswoordige Zeerust, maar moes vlug voor Mzilikazi se soldate. Pellissier het toe 3 000 vlugtende Tswanas met hom saamgebring na Bethulie waar hy 'n sendingpos in Oktober 1831 stig.

Hy het 'n skool begin en sy vrou het naaldwerk onderrig. Hy was suksesvol in sy werk tot 1862 toe hoofman Lepui die sendinggrond verkoop het aan aanliggende boere en die dorp Bethulie gestig is. Baie van die bekeerlinge het na Lesotho verhuis, maar Pellissier het agtergebly om diegene wat nie saamgetrek het nie, te bedien asook dié wat by die boere in die omgewing gewerk het.

In 1833 is hy getroud met Martha Murray, 'n dogter van James Murray, een van die Iere wat saam met die 1820-setlaars in Suid-Afrika aangekom het. Van hulle kinders het 'n seun en drie dogters volwassenheid bereik.

Nasate

Jean Pierre Pellissier en sy vrou het nege kinders gehad, maar net vier het volwassenheid bereik. Die meeste van die kinders wat jonk dood is, was die slagoffer van kinkhoes of witseerkeel. Die kinders was:

Kinders van Jean Pierre

1. Henriette - 25 Januarie 1831 - 1 Februarie 1831, sewe dae
2. Jean Henri - 17 Mei 1836 - 31 Augustus 1843, sewe jaar
3. Amelia - 25 November 1838 - 26 Desember 1838, 31 dae
4. Angeline - 11 Augustus 1839 - April 1840, agt maande
5. Louise Hortens - gedoop 18 April 1841 - 1921, 80 jaar (omstreeks 1860 getroud met Robert Scott)
6. Marie Clementine - 29 September 1843 - 22 Desember 1857, 14 jaar
7. Charlotte - 11 Junie 1846 - 26 Oktober 1927 (getroud met Herman Kleinveld)
8. Emy Marguerite - 16 Augustus 1848 - 14 Julie 1883, 34 jaar (getroud met George Norval van Norvalspont)
9. Samuel Henri - 19 Julie 1850 - 29 Julie 1921 (getroud met Louise, ’n dogter van ds. Piet Roux, die eerste leraar (in 1853 bevestig) en grondlegger van die NG gemeente Smithfield. Roux was die eerste konsulent van Bethulie se gemeente toe dit in 1862 gestig is.

Kinders van Samuel Henri

1. Jean Pierre - 18 April 1879 - ? (getroud met Ida Hugo in 1905)
2. George Murray - 7 Mei 1881 - 5 Maart 1954 (agtereenvolgens die predikant van NG gemeente Pietermaritzburg, Dundee, Carolina en later professor in die teologie aan die Universiteit van Pretoria se fakulteit teologie (afdeling B)
3. Charel Roux - 31 Desember 1882 - ? (getroud met Kotie Odendaal in 1925)
4. Josephine - 18 Julie 1885 - ? (getroud met Victor Hugo)
5. Samuel Henri - 10 November 1887 - 29 Maart 18 Mei 1978 (die stigter van die Volkspelebeweging, getroud met Judith Raubenheimer op 29 Maart 1921)
6. Martha Mabel - 1 November 1889 - 8 Januarie 1979 (taalkundige, opvoedkundige, skryfster, politikus en kultuurleier, in 1912 getroud met adv. E.G. Jansen, goewerneur-generaal van die Unie van Suid-Afrika)

Agterkleinkinders van Jean Pierre

1. Erns Louis Jansen - 27 Junie 1918 – 23 Mei 2011 (seun van Martha Mabel. Twintig jaar lank appèlregter)
2. Samuel Henri Pellissier - 7 Maart 1926 (seun van Samuel Henri Pellissier. Skoolhoof van Hoërskool Sasolburg, ontvang eredoktorsgraad van Unisa vir vindingryke benadering tot onderwys wat nie op uitslae gegrond is nie, maar op die algehele ontwikkeling van die kind)

Agter-agterkleinkinders van Jean Pierre

Adv. Mabel Jansen, SC, gewese voorsitter van die Pretoriase balieraad

Verdere lees

• Samuel Henri Pellissier. 1956. Jean Pierre Pellissier van Bethulie.
• T. Jousse. 1889. La mission française évangélique au sud de l'Afrique.

Bronne

• Potgieter, D.J. (ed.) 1973. Standard Encyclopaedia of Southern Africa. Cape Town: Nasionale Opvoedkundige Uitgewery (Nasou).