Nicolaas Johannes Diederichs

Dr. Nicolaas Diederichs in 1953, toe hy LV vir Randfontein was.

Nicolaas Johannes Diederichs
7de President van Suid-Afrika
Ampstermyn 19 April 1975 – 21 Augustus 1978
Voorafgegaan deur	Jacobus Johannes Fouché
Opgevolg deur	Balthazar Johannes Vorster
Persoonlike besonderhede
Gebore	17 November 1903 Ladybrand, Oranje-Vrystaat
Sterf	21 Augustus 1978 Kaapstad
Politieke party	Nasionale Party

Die Suid-Afrikaanse staatsman en akademikus Nicolaas Johannes Diederichs is op 17 November 1903 in Ladybrand (Oranje-Vrystaat) gebore.

Diederichs studeer aan die Grey-kollege in Bloemfontein en daarna aan die die universiteite van München, Keulen en Leiden. Hy sluit hom aan by die personeel van die Universiteit van die Oranje-Vrystaat en skryf breedvoerig, veral oor sy belangstelling in die ekonomiese heropbou van Afrikaners. Hy word hoof van die Reddingsdaadbond, voorsitter van die Ekonomiese Instituut van die FAK en van die Desimale Muntkommissie.

Hy sluit by die Nasionale Party aan en word tot die parlement verkies vir Randfontein (1948), later (1958) Losberg en uiteindelik Overvaal (1974).

Hy is van 1958 tot 1967 minister van ekonomiese sake en van 1961 - 1964 ook minister van mynbou. As minister van finansies (1967-1975) speel hy 'n leidende rol in die kabinet.

Van 19 April 1975 tot met sy dood op 21 Augustus 1978 in Kaapstad beklee hy die amp van staatspresident van die Republiek van Suid-Afrika. Hy word opgevolg deur Marais Viljoen.

Bron

• Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.

Voorafgegaan deur Jacobus Johannes Fouché

President van Suid-Afrika 1975–1978

Opgevolg deur Balthazar Johannes Vorster