Noordwes-Universiteit: Verskil tussen weergawes
Lyn 100: | Lyn 100: | ||
=== [[Politiek]] === |
=== [[Politiek]] === |
||
* [[Frederik Willem de Klerk]] Staatspresident van [[Suid-Afrika]] ([[1989]]-[[1994]]); Visepresident van Suid-Afrika, met [[Nelson Mandela]] as President ([[1994]]-[[1996]]). |
* [[Frederik Willem de Klerk]] Staatspresident van [[Suid-Afrika]] ([[1989]]-[[1994]]); Visepresident van Suid-Afrika, met [[Nelson Mandela]] as President ([[1994]]-[[1996]]). |
||
* [[Pieter Mulder]], Adjunk-Minister van Bosbou, Landbou en Visserye ([[2009]]-huidig); Leier van die [[Vryheidsfront Plus]] ([[2001]]-huidig) |
* Dr. [[Pieter Mulder]], Adjunk-Minister van Bosbou, Landbou en Visserye ([[2009]]-huidig); Leier van die [[Vryheidsfront Plus]] ([[2001]]-huidig) |
||
* Dr. [[Corné Mulder]], Lid van die Parlement vir die [[Vryheidsfront Plus]] |
|||
=== [[Uitvoerende Kunste]] === |
=== [[Uitvoerende Kunste]] === |
Wysiging soos op 19:00, 10 Junie 2012
Noordwes-Universiteit | |
---|---|
North West University Yunibesiti ya Bokone-Bophirima | |
Motto: | Innovasie deur diversiteit |
Gestig: | 2004 |
Tipe: | Openbare universiteit |
Vise-Kanselier: | Theuns Eloff |
Rektor: | Herman van Schalkwyk |
Fakulteite: | 15 |
Ligging: | Potchefstroom Mafikeng Vereeniging, Noordwes, Suid-Afrika Koördinate: 33°37′11″S 23°4′17″E / 33.61972°S 23.07139°O |
Voormalige name: | Potchefstroomse Universiteit vir Christelike Hoër Onderwys Universiteit van Noordwes |
Sport: | Rugby Hokkie Netbal Atletiek |
Kleure: | Meroen, groen, blou |
Bynaam: | NWU-PUK |
Gelukbringer: | Tarentaal |
Webtuiste: | http://www.nwu.ac.za/ |
Die Potchefstroomse Universiteit (bynaam "Pukke") was voorheen bekend as die Potchefstroomse Universiteit vir Christelike Hoër Onderwys (afgekort na PU vir CHO). Dit vorm sedert 2004 deel van die Noordwes-Universiteit. Dit is 'n medium grootte Suid-Afrikaanse universiteit. Onderrig geskied hoofsaaklik in Afrikaans op die Potchefstroom-kampus en in Engels by die ander kampusse, naamlik Mafikeng, Mankwe en Vaaldriehoek (Vanderbijlpark).
Geskiedenis
Die Potchefstroomse Universiteit het ontwikkel uit die Teologieskool van die Gereformeerde Kerke van Suid-Afrika (afgekort GKSA), wat op 29 November 1869 in Burgersdorp gestig is. By die stigtingsvergadering is besluit dat die skool onderrig sal verskaf aan toekomstige onderwysers en ander persone, sonder om enige voorkeur aan 'n spesifieke professie te gee. Aanvanklik was daar vyf studente en twee lektore.
In 1877 word 'n "Letterkundedepartement" gevestig, met een professor, wat die spesifieke doel gehad het om studente op te lei vir 'n akademiese graad of as onderwysers.
In 1905 word die Teologieskool, tesame met die Letterkundedepartement, oorgedra vanaf Burgersdorp na Potchefstroom.
Ten einde te kwalifiseer vir regeringsubsidies, word die Letterkundedepartement in 1919 van die Teologieskool geskei en die Het Potchefstroom Universiteitskollege voor Christelike Hooger Onderwijs (afgekort tot PUK) ontstaan. Dit is besluit dat die PUK 'n hoër onderriginstituut, onafhanklik van die GKSA, sal wees, alhoewel die PUK sal voortgaan om predikante vir die GKSA op te lei.
In 1921 word die Potchefstroomse Universiteitskollege (sonder die "vir Christelike Hoër Onderwys" agtervoegsel) geïnkorporeer by die Universiteit van Suid-Afrika; die PUK het eers in 1933 die "vir Christelike Hoër Onderwys" deel van sy naam teruggekry.
Die Potchefstroomse Universiteitskollege vir Christelike Hoër Onderwys word amptelik in 1951 as 'n onafhanklike universiteit erken en hernoem tot Potchefstroomse Universiteit vir Christelike Hoër Onderwys.
In 1966 word die Vaaldriehoek-kampus gevestig in Vanderbijlpark, ten einde tersiêre onderrig in hierdie omgewing te verskaf.
In 2004 word die Potchefstroomse Universiteit saamgesmelt in die Noordwes-Universiteit. Die ander twee kampusse is in Mafikeng en in Vanderbijlpark.
Fakulteite
Die Potchefstroomse Universiteit het kursusse verskaf en die Potchefstoom-kampus van die Noordwes-Universiteit gaan voort om dit te verskaf, in die volgende fakulteite (die jaar waarin die fakulteit gestig is, word in hakies aangedui):
- Lettere en Wysbegeerte (1921)
- Natuurwetenskappe (1922)
- Teologie (1930)
- Onderwyswetenskappe (1935)
- Ekonomiese en Bestuurswetenskappe (1942)
- Regsgeleerdheid (1966)
- Ingenieurswese (1983)
- Gesondheidswetenskappe (1999)
Kultuur
Die universiteit se "Alabama Studentegeselskap", 'n musiekrevue-groep, gestig in 1943, is dwarsoor Suid-Afrika bekend. Die Potchefstroomse Universiteitskoor is wêreldbekend en is al meer as 30 jaar onder leiding van prof. Awie van Wyk.
Studentegetalle en statistiek
In Augustus 2004 het die Potchefstroom kampus van die Noordwes-Universiteit 33 713 studente gehad. Hiervan was 13 021 manlik en 20 692 vroulik. Daar was 31 300 voorgraadse studente en 2 413 nagraadse studente.
Bekende oudstudente
Politiek
- Frederik Willem de Klerk Staatspresident van Suid-Afrika (1989-1994); Visepresident van Suid-Afrika, met Nelson Mandela as President (1994-1996).
- Dr. Pieter Mulder, Adjunk-Minister van Bosbou, Landbou en Visserye (2009-huidig); Leier van die Vryheidsfront Plus (2001-huidig)
- Dr. Corné Mulder, Lid van die Parlement vir die Vryheidsfront Plus
Uitvoerende Kunste
- Rina Hugo, bekende sangeres het haar B.Mus.-graad hier verwerf in 1970. Sy was ook lid van die Alabama Studentegeselskap. Sy het uitgeblink in feitlik alle genres wat deur 'n solis beoefen kan word naamlik: Opera, oratorium, operette, musiekblyspele, die kunslied en ligte musiek.
- Kobie van Rensburg [1] is 'n wêreldbekende operasanger wat tans vanuit Duitsland werk. Hy was lid van die Potchefstroomse Universiteitskoor (1987-1994).
- Christa Steyn, student gedurende 1976-1978, was ook lid van die Alabama Studentegeselskap; 'n komponis, klavierspeler en Afrikaanse sangeres wat bekend is vir haar duette saam met Jannie du Toit.
Kommersiële produkte en patente
CFAM - Sentrum vir Gevorderde Vervaardiging
Voorbeelde van tipiese projekte wat aangepak is:
- Skroefsegment vir dubbelskroef-ekstrueerders
- Lope en loopsegmente vir dubbelskroef-ekstrueerders
- Ekstrusiematryse en knieblokke
- Komponente vir die verdedigingsbedryf
- Komponente vir die myn- en rotsboorbedryf
- Herontwerp van komponente van veral dubbelskroef-ekstrueerders
CTexT - Sentrum vir Tekstegnologie
- Speltoetsers vir verskeie Suid-Afrikaanse tale insluitende Afrikaans, Tswana, Noord-Sotho, Zoeloe en Xhosa
- Tsenang! is 'n multimediaprogram vir die aanleer van Tswana
- Ngenani! is 'n multimediaprogram vir die aanleer van Zoeloe
Student lab
- Student Lab Small Scale Chemistry laboratory
Bekende aktiwiteite
JOOL
Dit is 'n liefdadige organisasie waar al die eerstejaars in hul koshuisverband, met hul geboude vlotte deur die strate van die dorp loop.
Koshuise