Upington

Upington
Uitsig oor Upington
Leuse(s):  Die Mense Regeer
Upington
Koördinate: 28°27′S 21°14′O
Land	Suid-Afrika
Provinsie	Noord-Kaap
Distriksmunisipaliteit	Siyanda
Plaaslike Munisipaliteit	//Khara Hais
Stigting	1884
Regering
• Burgemeester	Gift van Staden
Hoogte	836 m (2 743 ft)
Tydsone	UTC+2 (SAST)
Vernoem na	Thomas Upington

Upington is geleë op die walle van die Oranjerivier in die Noord-Kaap, Suid-Afrika.

Geskiedenis

Upington is in 1871 as 'n klein sendingstasie deur eerwaarde Christiaan Schröder gestig. Hy het die sendingstasie "Olijvenhoutsdrift" genoem. In 1896 is dit herdoop tot Upington ter ere van sir Thomas Upington, die eerste minister van die Kaapkolonie. Die dorp het munisipale status in 1898 verkry.

Upington vandag

Vandag is Upington 'n groot dorp met 'n geskatte 101 504 inwoners in 2008, die naasgrootste nedersetting in die Noord-Kaap. Dit dien as 'n vername administratiewe sentrum van die provinsie Noord-Kaap. Upington lê in die Kalahariwoestyn, maar danksy die water van die Oranjerivier is dit 'n belangrike landbousentrum vir druiwe, koring en groente. Daarnaas is dit 'n gewilde toeristebestemming in die noordweste van Suid-Afrika.

Infrastruktuur

Die Upington-lughawe (voorheen bekend as die Pierre van Ryneveld-lughawe) is by die dorp. Die N10 en N14 nasionale paaie kruis in Upington. Die spoorverbinding tussen Suid-Afrika en Namibië gaan ook deur die dorp.

Fotogalery

• 
  Die Augrabies-waterval naby Upington.
• 
  Aanloopbaan van 4900m.
• 
  Upington se gholfbaan.
• 
  Uitsig vanaf "Die Eiland"-vakansieoord.

Sien ook

• Lys van dorpe in Suid-Afrika

Bronnelys

• Die Gemsbok 1965/8/20
• World Gazetteer
• Op Pad in Suid-Afrika. BPJ Erasmus 1995 ISBN 1-86842-026-4

Eksterne skakels

• Die amptelike webwerf van Upington
• http://kharahais.gov.za