2003 Formule Een-seisoen

Kalender

Die seisoen het vir die 8ste agtereenvolgende jaar by die Albert Park renbaan afgeskop op 9 Maart gevolg deur die Maleisiese ren op 23 Maart by Sepang Internasionale Renbaan, dit word gevolg deur die Braziliaanse ren by Interlagos op 6 April. Die europese gedeelte het begin by Imola in Italië vir die San Marino GP op 20 April gevolg deur die Spaanse ren by Catalunya op 4 Mei en die Oostenrykse ren op 18 Mei by die A1 ring. Die eerste deel van die europese renne is afgehandel by Monaco op 1 Junie.

Die seisoen het op 15 Junie in Kanada by die Gilles Villeneuve aangegaan en die tweede deel van die europese renne het weer begin op 29 Junie by die Nurburgring in Duitsland vir die Europese GP en is gevolg deur die Franse ren by Magny Cours. Die Britse GP is gehou op 20 Julie by Silverstone en is gevolg deur die Duitse ren by Hockenheim op 3 Augustus. Daarna volg 'n 3 week breek tot hulle weer terugkeer by die Hungaroring vir die Hongaarse ren op 24 Augustus en daarna volg nog 'n 3 week breek waarna die laaste Europese volg nl. die Italiaanse ren by Monza op 14 September. Die VSA GP is gehou as die voorlaaste ren by Indianapolis Motor Speedway. Die laaste ren is, soos die afgelope 5 jaar die Japannese GP by dieSuzuka Internasionale Renbaan.

Seisoen hersiening

David Coulthard het die Australiaanse GP in veranderlike weersomstandighede gewen en die Maleisiese GP is gewen deur Kimi Raikkönen. Die Brasiliaanse GP is voor die einde gestop oor 'n ongeluk en Kimi Raikkönen is as wenner aangewys maar 5 dae later, na baie ondersoek is Giancarlo Fisichella as wenner aangewys.

Michael Schumacher het teruggeveg in die eerste Europese renne en het die volgende drie renne in San Marino, Spanje en Oostenryk gewen. Juan Pablo Montoya het gewen in Monaco en Schumacher het weer in Kanada gewen.

Die tweede Europese gedeelte het begin by die Nurburgring en is na hoë drama deur Ralf Schumacher gewen. Hy het dit opgevolg met nog 'n oorwinning in Frankryk 'n week later. Rubens Barrichello het gewen in Brittanje en Montoya het gewen in Duitsland.

Fernando Alonso het sy eerste oorwinning behaal in Hongarye by die Hungaroring en Michael Schumacher het die volgende twee renne gewen in Italië en die VSA en in die laaste ren moes Raikkönen wen sonder laat Schumacher in die top 8 klaarmaak. Die ren is gewen deur Rubens Barrichello en Raikkönen was 2de en Micheal Schumacher 8ste. Dus het Schumacher sy 4de agtereenvolgende kampioenskap gewen met slegs 2 punte vanaf Raikkönen.