Vlag van die Kanariese Eilande

Vlag van die Kanariese Eilande

Vlag van die Kanariese Eilande
Gebruik	Staatsvlag
Verhouding	2:3
Goedgekeur	16 Augustus 1982
Ontwerp	'n Vertikale driekleur in wit, blou en geel met die landswapen in die blou baan op die staatsvlag.

Die vlag van die Outonome Gemeenskap van die Kanariese Eiande is op 16 Augustus 1982 amptelik in gebruik geneem. Die vlag is 'n vertikale driekleur in wit, blou en geel met die landswapen in die middel van die blou baan op die staatsvlag.

Simboliek

Die kleure van die vlag is afgelei van die stede Santa Cruz de Tenerife (blou en wit) en Las Palmas de la Gran Canaria (blou en geel). Daarnaas kom die kleure ook gereeld voor op die vlae van die sewe Kanariese Eilande.

Ontwerp

Die wydte-lengeverhouding van die vlag is 2:3, net soos by die vlag van Spanje. Elk van die drie bane neem een derde van die lengte van die vlag in.

Op 21 Desember 2004 is die kleurspesifikasies vir die eerste keer amptelik vasgelê en op 12 Desember 2005 is dit gewysig.

Ander vlae

• 
  Die ontwerp van die PNC
• 
  Die ontwerp van Estévanez
• 
  Die 1961-ontwerp
• 
  Vlag sonder die wapen

Die eerste vlag wat al sewe eilande verteenwoordig het, is ongeveer in 1907 gehys deur die Partido Nacionalista Canario (PNC, Kanariese Nasionalistiese Party). Hierdie vlag het bestaan uit 'n blou agtergrond met sewe wit sterre daarop; dit het die sewe eilande in die middel van die water van die Atlantiese oseaan verteenwoordig. In dieselfde jaar het die digter, Nicolas Estevanez, 'n ontwerp gemaak waarop 'n gestileerde weergawe van die vulkaan, El Teide, op Tenerife sentraal was, maar op Gran Canaria is die vlag haas nooit gebruik nie.

In 1961 het die Movimento Canarias Libre 'n nuwe vlag ontwerp wat bestaan het uit drie vertikale bane in wit, blou en geel. Hierdie vlag lyk baie soos die huidige vlag, maar in die 1961-weergawe is die blou baan heelwat langer as die ander bane en die wapen ontbreek. Tydens die bewind van Francisco Franco was Spaanse deelgebiede egter nie toegelaat om hul eie vlae te hê nie.

Kort na die dood van Franco kon Spaanse gebiede hul eie vlae aanneem, waarna die Kanariese Eilande hul eerste amptelike vlag (die huidige een), gebaseer op die 1961-ontwerp, aanvaar het. Die ontwerp is bekragtig deur die Statuus van die outonimie van die Kanariese outonome gemeenskap van 16 Augustus 1982.

Vlae van die eilande

• 
  Vlag van El Hierro
• 
  Vlag van La Palma
• 
  Vlag van La Gomera
• 
  Vlag van Tenerife
• 
  Vlag van Gran Canaria
• 
  Vlag van Fuerteventura
• 
  Vlag van Lanzarote

Eksterne skakels

• (en) Kanariese Eilande by Flags of the World.

Verwysings

Hierdie artikel is in sy geheel of gedeeltelik vanuit die Nederlandse Wikipedia vertaal.