Mimi Coertse

Mimi Coertse
Mimi Coertse in Johannesburg, by haar borsbeeld
Gebore	12 Junie 1932 Durban, KwaZulu-Natal
Beroep(e)	Operasangeres

Mimi Coertse (gebore 12 Junie 1932), is 'n Suid-Afrikaanse sopraan-sangeres.

Vroeër lewe

Coertse is in Durban, KwaZulu-Natal gebore. Sy matrikuleer aan die Hoër Meisieskool Helpmekaar in Johannesburg. In 1949 begin sy haar stemopleiding in Suid-Afrika. In Julie 1953 trou sy met die uitsaaier en komponis, Dawid Engela. Sy verlaat Suid-Afrika in September 1953 vir Londen, reis later na Den Haag en uiteindelik na Wene. Sy begin haar opleiding met Maria Hittorff en Josef Witt in Januarie 1954.

Opera loopbaan

Coertse maak haar debuut in Januarie 1955 as die Eerste Blommemeisie in Richard Wagner se Parsifal by die Teatro San Carlo teater in Nepal, Karl Böhm het begelei. Sy sing ook in Basle by die Teatro San Carlo. Op 17 Maart 1956 maak sy haar debuut by die Weense Staatsopera as die Koningin van die Nag in Die Zauberflöte deur Mozart en bly aan by die Weense Staatsopera tot 1978. Haar Covent Garden debuut was in 1956, in dieselfde rol..

Sy is ook welbekend in Suid-Afrika vir haar Afrikaanse kunsliedere.

Later jare

Lêer:Staatsopernmuseum Wien, Exhibition for Mimi Coertse.jpg

Plakkaat van Mimi Coertse as die "Queen of the night", 1956

Mimi Coertse in Wene, Oostenryk.

Mimi Coertse op die voorblad van Die Huisgenoot, 10 Januarie 1958.

Sedert haar terugkeer na Suid-Afrika in 1973 was sy 'n gereelde gas op Suid-Afrikaanse verhoeë en ook 'n gereelde uitsaaier op radio en televisie. Sy het haarself ook toegespits om jong Suid-Afrikaanse sangers uit te wys en op te lei. In 1998 stig Mimi Coertse en Neels Hansen die "Black Tie Ensemble", 'n ontwikkelingsprojek wat jong, klassiek-opgeleide sangers die geleentheid bied om die gaping tussen hulle opleiding en 'n professionele optrede te oorbrug.

Vererings en toekennings

• 1961: Medalje van Eer van Die Suid-Afrikaanse Akademie vir Wetenskap en Kuns
• 1966: Die prestige titel van "Kammersängerin" vanaf die Oostenrykse Regering.
• 1985: sy ontvang die Dekorasie vir "Meritorious Services" in Suid-Afrika ter erkenning van haar bydrae tot die Kuns.
• Augustus 1996: sy ontvang die hoogste akkolade wat 'n kunstenaar van die Oostenrykse Regering kan ontvang: die "Oesterreichische Ehrenkreuz für Wissenschaft und Kunst".
• 2002: sy ontvang die goue "Rathausmann" vanaf die burgemeester van Wene, Dr. Michael Häupl
• 2003: sy ontvang 'n D. Phil. van die Universiteit van Pretoria, Suid-Afrika
• 2004: sy behaal 'n 94ste plek in die SAUK3 se stemming om die 100 grootste Suid-Afrikane van alle tye te bepaal
• 2008: Die Mimi Coertse Museum van Afrikaans open by die Huis vir Afrikaanse Poësie (hAp)in Capital Park, Pretoria.
• 2012 1. July - 30. Sept. Staatsopernmuseum Wien

Literatuur

• Helmuth Furch, 'Die Wiener Jahre von Kammersängerin Mimi Coertse,' ('Die Weense jare van kammersangeresse Mimi Coertse'), Bulletin of Museums- und Kulturverein Kaisersteinbruch No. 41, 20-56, Maart 1996: ook 'Mimi Coertse, die hochgeschätzte Konzert- und Liedsängerin' (Mimi Coertse, die hooggeskatte Konsert- en Liedjiesangeres), ibid. No. 52, 33-54, Desember 1998.
• Helmuth Furch, Eva Hilda Smolik en Elfriede Werthan, Kammersängerin Mimi Coertse, eine Wienerin aus Südafrika (Kammersangeres Mimi Coertse, 'die Wense vrou van Suid-Afrika) (met voorwoord deur Marcel Prawy), (Wene 2002).
• Mimi Coertse, 'n Stem vir Suid-Afrika: My Storie soos Vertel aan Ian Raper. Litera Publikasies, 2007.
• Johan van Rooyen, Mimi: 'n Feesbundel saamgestel deur Johan van Rooyen ter viering van Mimi Coertse se sewentigste verjaardag op 12 Junie 2002. Protea Boekhuis, Pretoria, 2002.

Sien ook

• Lys van bekende Suid-Afrikaners
• Suid-Afrikaanse musikante
• Afrikaanse musiek