Agilisaurus

in Wikipedia, die vrye ensiklopedie
’n Voorstelling van Agilisaurus.

Agilisaurus
Tydperk: Middel-Jura 168–161 m. jaar gelede
Die skelet van ’n agilisourus (regs) in die Zigong-museum in China.
Wetenskaplike klassifikasie
Koninkryk:
Filum:
Klas:
Superorde:
Orde:
Suborde:
Genus:
Agilisaurus

(Peng, 1990)
Binomiale naam
Agilisaurus louderbacki
Agilisaurus
Kladistiese klassifikasie
Koninkryk: Animalia
Filum: Chordata
Klade: Dinosauria
Orde: Ornithischia
Klade: Genasauria
Klade: Neornithischia
Genus: Agilisaurus
(Peng, 1990)

Agilisaurus was ’n genus ornitiskium-dinosourusse van die Middel-Jura-periode wat voorgekom het in wat nou Oos-Asië is. Die naam is afgelei van die Latynse woord agilis, wat "rats" beteken, en verwys na sy moontlike ratsheid vanweë sy lang bene en ligte skelet. Die onderbene was langer as die bobene, wat daarop dui dat die dier ’n uiters vinnige tweepotige hardloper was. Hy het waarskynlik sy stert vir balans gebruik en moontlik op al vier pote geloop wanneer hy kos soek. Hy was ’n klein plantvreter van sowat 1,2 m lank en nes alle ornitiskiums het hy ’n snawelagtige bek gehad om plantmateriaal mee af te byt.

Daar is net een spesie met ’n naam: A. louderbacki, wat genoem is na dr. George Louderback, ’n Amerikaanse geoloog wat dinosourusfossiele uit die provinsie Sichuan in China in 1915 die eerste keer herken het. Net een volledige skelet van A. louderbacki is bekend, en dit is een van die volledigstes van ’n klein ornitiskium wat al gevind is.

Die skelet is ontdek tydens die bou van die Zigong-dinosourusmudeum, waarin dit nou uitgestal word. In dié museum is talle dinosourusse te sien wat buite die stad Zigong in Sichuan gevind is.