Ahaggar

in Wikipedia, die vrye ensiklopedie
Landskap van die Assekrem-streek in die Hoggar van die Tamanrasset-provinsie
'n Oase in die Ahaggar, Suid-Algerië
Asskrem-streek in die Ahaggar, Suid-Algerië

Die Ahaggar (Arabies: جبال هقار; Berbers: ⵉⴷⵓⵔⴰⵔ ⵏ ⴰⵀⴰⴳⴳⴰⵔ, Idurar n Ahaggar) is 'n bergreeks van vulkaniese oorsprong in die suidooste van Algerië. Die grootste deel van dié bergreeks is in Algerië, maar kleiner dele is ook in die noorde van Niger en die suidooste van Libië geleë. Tahat is met 2 908 meter bo seevlak die hoogste bergpiek van die Ahaggar. Suid van die Ahaggar is die Aïr en oos van albei is die Tibesti geleë. Al drie bergreekse oorheers die sentrale gedeelte van die Saharawoestyn in Noord-Afrika.

Die Ahaggar is op die Kreefskeerkring, sowat 1 500 km suid van die Algerynse hoofstad Algiers geleë. Die gebied is amper so groot soos dié van Frankryk en beslaan 'n oppervlakte van 550 000 km².[1] Dit streek sowat 2 100 km in 'n wes-oostelike en 1 500 km in 'n noord-suidelike rigting.[2][3] In die Ahaggar-streek bly veral Berbers; hulle handhaaf 'n nomadiese leefwyse.

Die Ahaggar is vir rotstekeninge bekend; byvoorbeeld is die wildehond te siene, maar hy is blykbaar in dié gebied uitgestorwe.[4] Baie selde kan mens nog jagluiperde teëkom.[5]

Verwysings[wysig | wysig bron]

  1. (en) Scheffel, Richard L.; Wernet, Susan J., reds. (1980). Natural Wonders of the World. Verenigde State van Amerika: Reader's Digest Association, Inc. pp. 32–33. ISBN 0-89577-087-3.
  2. (de) Birgit Agada, Adolf Schuster: Algerien: Kultur und Natur zwischen Mittelmeer und Sahara, Der Ahaggar
  3. (en) R. W. McColl: Encyclopedia of World Geography, Band 1, Ahaggar Mountains
  4. C. Michael Hogan, PhD
  5. (en) A Report from the sahelo saharan interest Group – Parc National De L’Ahaggar survey Geargiveer 4 Maart 2016 op Wayback Machine, Algeria (Maart 2005) (PDF; 557 kB)

Eksterne skakels[wysig | wysig bron]