Bysin

in Wikipedia, die vrye ensiklopedie

'n Bysin is in die grammatikale ontleding 'n sin wat deel uitmaak van 'n saamgestelde sin, maar nie die hoofsin is nie. 'n Bysin kan soms self weer in kleinere bysinne opgedeel word, en dit word dikwels deur 'n voegwoord ingelei.

Woordvolgorde[wysig | wysig bron]

In Afrikaans, Nederlands en Duits staan in 'n bysin die onderwerp meestal vooraan en die persoonsvorm agteraan. Dit is in hierdie tale die belangrikste verskil tussen 'n bysin en 'n hoofsin, waar die Subjek-Werkwoord-Object (SVO) volgorde as standaardnorm geld.

Ek weet (hoofsin) dat hy dit gedoen het (bysin).

Vergelyk ons dit met Engels, dan val dit op dat die SVO-woordvolgorde ook in bysinne die standaardnorm is:

You see (hoofsin) that I have done this for you (bysin).

Komma[wysig | wysig bron]

Plaas 'n komma ná 'n betreklike bysin wat betrekking het op 'n selfstandige naamwoord en met wat, waarop, vir wie, ens. begin). So 'n bysin word egter nie noodwendig deur 'n komma voorafgegaan nie. Wanneer 'n bysin bykomende inligting verskaf waarsonder die res sinvol selfstandig kan staan, kom daar 'n komma vooraf en agterna. Bv. Haar tannie, wat nou oorlede is, sou daarvan gehou het.

As die stelling nie sin sou maak sonder die inligting wat die bysin verstrek nie, word dit nie deur 'n komma voorafgegaan nie. Bv. Die wêreld wat hy beskryf, bestaan nie.

Bronne[wysig | wysig bron]

Müller, D. & Pistor, S. 2011. Skryf Afrikaans van A tot Z. Kaapstad: Pharos