FedEx Express

in Wikipedia, die vrye ensiklopedie
FedEx Express
IATA: FX
ICAO: FDX
Roepsein: FED EX
Gestig: 1971
Tipe: Filiaal van FedEx Corporation
Hoofkwartier: Memphis, Tennessee, VSA
Hooflughawe: Memphis Internasionale Lughawe
President: David J Bronczek
Passasiers Slegs vrag
Werknemers
Bestemmings: 375+
Vloot: 649 vliegtuie
Webtuiste: http://www.fedex.com

FedEx Express, voorheen Federal Express, is 'n vraglugredery gebaseer in Memphis, Tennessee, Verenigde State van Amerika.[1] Dit is die wêreld se grootste lugredery in terme van tonnemaat vrag gevlieg en die wêreld se vierde grootste in terme van vlootgrootte. [2] Dit is 'n filiaal van FedEx Corporation, wat daagliks pakkette en vrag aflewer na meer as 375 bestemmings in byna alle lande.[3] FedEx Express is die wêreld se grootste spoedvervoermaatskappy.

Sy hoofkwartier is in Memphis met sy globale "SuperHub" geleë op Memphis Internasionale Lughawe.[4] In die VSA het FedEx Express ook 'n nasionale sentrum op Indianapolis Internasionale Lughawe. Plaaslike spille is geleë op Ted Stevens Anchorage Internasionale Lughawe, Oakland Internasionale Lughawe, Newark Liberty Internasionale Lughawe, Fort Worth Alliance Lughawe en Miami Internasionale Lughawe. Internasionale plaaslike spille is geleë op Lughawe Parys-Charles de Gaulle lughawe, Guangzhou Baiyun Internasionale Lughawe, Kansai Internasionale Lughawe, Toronto Pearson Internasionale Lughawe en Keulen Bonn-lughawe.[5] Die Middel-Atlantiese sentrum op Piedmont Triad Internasionale Lughawe het op 2 Junie 2009 geopen, maar weens 'n afname in die pakketvolume is dit nog nie naby die verwagte aktiwiteitsvlakke nie.

'n DC-10 land op San Jose Internasionale Lughawe, San Jose
'n FedEx Airbus A310-200 arriveer by San Jose, Kalifornië
Een van Federal Express se eerste vliegtuie, 'n Dassault Falcon 20 genaamd Wendy.

Verwysings[wysig | wysig bron]

  1. "FedEx in Memphis Geargiveer 19 Julie 2008 op Wayback Machine." FedEx. Verkry op 28 Februarie 2010.
  2. WATS sample - Scheduled Freight Tonne - Kilometres (veouder in April 2012)
  3. "Directory: World Airlines". "Flight International". 3 April 2007. p. 81.
  4. "Memphis Super Hub"
  5. "FedEx Express Global Network"
Hierdie artikel is in sy geheel of gedeeltelik vanuit die Engelse Wikipedia vertaal.