Filippense
Die brief aan die Filippense is die 11de boek in die Nuwe Testament van die Bybel. Hierdie brief is uit die gevangenis geskryf aan die eerste gemeente wat Paulus op Europese bodem gestig het. Hy deel iets mee van die omstandighede waarin hy hom bevind en bedank die gemeente vir tasbare hulpverlening wat hy van hulle ontvang het. Hy is besorg oor die eenheid en welsyn van die gemeente wat bedrieg word deur die optrede van dwaalleraars. Die nuwe lewe in Christus word deur God geskenk aan dié wat glo. Hierdie lewe oortref alle ander dinge en bring vrede en blydskap ongeag die omstandighede van die gelowige. Daarom kan die apostel uit die gevangenis hierdie brief skryf met die tema: Wees altyd bly in die Here.
Bron[wysig | wysig bron]
- Die Bybel: Nuwe vertaling (Bybelgenootskap van Suid-Afrika)
Eksterne skakels[wysig | wysig bron]
Wikiwoordeboek het 'n inskrywing vir Filippense.
