Gaza (provinsie)

Ligging van die provinsie in Mosambiek.

Gaza is 'n provinsie in suidelike Mosambiek. Die provinsie het sowat 1,3 miljoen inwoners (2006). Die hoofstad en grootste stad is Xai-Xai (uitgespreek /ˈʃaj ˈʃaj/, 166 000 inwoners in 2007).

Op die landsgrens tussen Suid-Afrika en Mosambiek sny die Olifantsrivier deur die Olifantskloof in die Lebomboberge na Gaza-provinsie, waarna dit Rio dos Elefantes heet. Hierna vloei dit in die Massingirdam in en 12 km stroomaf sluit die Shingwedzirivier by die Olifants aan. Ongeveer 40 km van die Suid-Afrikaanse grens, sluit dit by die Limpoporivier aan en mond naby Xai-Xai noordoos van Maputo in die Indiese Oseaan uit.

Markstalletjies in Machaila, Gaza