Iviron-klooster

Die Iviron-klooster gesien vanaf die pad na die Stavronikita-klooster.

Die klooster gesien vanaf die kus.

Die Heilige Klooster van Iviron (Grieks: Ιερα Μονή Ιβήρων; Georgies: ივერთა მონასტერი) is ’n Oosters-Ortodokse klooster op Berg Athos in Griekeland. Die klooster is tussen 980 en 983 n.C. deur Georgiërs gebou onder die toesig van twee Georgiese monnike, Johannes die Iberiër en Tornikios. Die naam kom van die antieke Georgiese Koninkryk van Iberië (Iveria) van waar Johannes was.

Die klooster het die derde hoogste senioriteit van die kloosters op Berg Athos. Die biblioteek bevat 2 000 manuskripte, 15 liturgiese rolle en 20 000 boeke, waarvan die meeste in Georgies, Grieks, Hebreeus en Latyn is.

Dit besit die relieke van meer heiliges as enige ander klooster op Berg Athos, asook die Panagia Portaitissa, ’n beroemde ikoon uit die 9de eeu. Daar woon sowat 30 werkende monnike, van wie nie een Georgies is nie. Daar is egter sowat 40 Georgiese hermiete wat naby die klooster woon.

Eksterne skakels

• Iviron op Berg Athos se webtuiste Geargiveer 4 Maart 2016 op Wayback Machine
• Wikimedia Commons het meer media in die kategorie Iviron-klooster.
• Hierdie artikel is vertaal uit die Engelse Wikipedia