James Bond

in Wikipedia, die vrye ensiklopedie
James Bond
Hoagy Carmichael – soos Ian Fleming sy James Bond gesien het.
Hoagy Carmichael – soos Ian Fleming sy James Bond gesien het.

Skepping
Eerste verskyning Casino Royale (1953)
Geskep deur Ian Fleming
Uitgebeeld deur Sean Connery (1962–1967; 1971; 1983)
George Lazenby (1969)
Roger Moore (1973–1985)
Timothy Dalton (1987–1989)
Pierce Brosnan (1995–2002)
Daniel Craig (2006–hede)
Inligting
Byname 007
Spesie Mens
Geslag Manlik
Beroep Spioen
Getroud met Tracy Bond-Vincenzo
Kinders James Suzuki
Ander familie Andrew Bond (vader)
Monique Delacroix Bond (moeder)
Charmian Bond (tannie)
Max Bond (oom)
1
Nasionaliteit Vlag van Verenigde Koninkryk Verenigde Koninkryk

James Bond is 'n fiktiewe spioen in die romans van die Britse skrywer Ian Fleming. James Bond is ’n onverskrokke, aantreklike geheime agent vir die Britse regering, met die kodenaam "007". Talle van die Bond-verhale is tot trefferflieks verwerk. Hierdie rolprente wemel van opwindende tonele vol gevaar, mooi vroue en spesiale geheime toerusting om mense aan te val, boodskappe te stuur, ens. Hierdie stories is ook vir TV, radio, strokiesprente en video-speletjies aangepas.[1]

Fleming het die Bond-karakter in twaalf romans en twee verhaalbundels gebruik. Die eerste hiervan heet Casino Royale. Ná Fleming se dood in 1964 het verskeie ander skrywers Bond-boeke gelewer, onder andere Kingsley Amis, Christopher Wood, John Gardner, Raymond Benson, Sebastian Faulks, Jeffery Deaver en Anthony Horowitz.

Die karakter[wysig | wysig bron]

Fleming se James Bond is 'n spioen met 'n license to kill (mandaat om te dood). Hy werk vir MI6 en rapporteer aan M, die hoof van die agentskap. Moneypenny is M se sekretaresse. Bond is 'n ware heer. As hy hom aan iemand voorstel, sê hy gewoonlik: "The name's Bond, James Bond". Ongeag die dringendheid van die situasie benut hy elke geleentheid om tyd saam met 'n mooi meisie te spandeer.

'n Belangrike element in die meeste Bond-films is die karre, wapens en "gadgets" wat Bond van Q (die kwartiermeester) kry. Die bekendste Bond-motor is die silwergrys Aston Martin DB5, wat sy debuut in Goldfinger gemaak het.

Akteurs[wysig | wysig bron]

Die akteurs wat die rol van Bond vertolk het:

Flieks[wysig | wysig bron]

Sean Connery as James Bond (1962–1967, 1971, 1983) in Amsterdam in 1971.
Daniel Craig tydens die verfilming van Casino Royale.

Die Bond-flieks is:

No. Naam Jaar Akteur
1 Dr. No 1962 Sean Connery
2 From Russia with Love 1963 Sean Connery
3 Goldfinger 1964 Sean Connery
4 Thunderball 1965 Sean Connery
5 You Only Live Twice 1967 Sean Connery
6 On Her Majesty's Secret Service 1969 George Lazenby
7 Diamonds are Forever 1971 Sean Connery
8 Live and Let Die 1973 Roger Moore
9 The Man with the Golden Gun 1974 Roger Moore
10 The Spy Who Loved Me 1977 Roger Moore
11 Moonraker 1979 Roger Moore
12 For Your Eyes Only 1981 Roger Moore
13 Never Say Never Again 1983 Roger Moore
14 Octopussy 1983 Roger Moore
15 A View to a Kill 1985 Roger Moore
16 The Living Daylights 1987 Timothy Dalton
17 Licence to Kill 1989 Timothy Dalton
18 GoldenEye 1995 Pierce Brosnan
19 Tomorrow Never Dies 1997 Pierce Brosnan
20 The World is Not Enough 1999 Pierce Brosnan
21 Die Another Day 2002 Pierce Brosnan
22 Casino Royale 2006 Daniel Craig
23 Quantum of Solace 2006 Daniel Craig
24 Skyfall 2012 Daniel Craig
25 Spectre 2015 Daniel Craig
26 No Time to Die 2020 Daniel Craig

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]