Kampfbund

in Wikipedia, die vrye ensiklopedie

Die Kampfbund (Duits vir "gevegsliga) was 'n liga van "patriotiese" gevegsverenigingings wat veral in Beiere Duitsland in die 1920's aktief was. Dit het Hitler se Nationalsozialistische Deutsche Arbeiterpartei (NSDAP) party en sy Sturmabteilung of SA in kort, die Oberland Liga en die Reichskriegsflagge ingesluit. Die Kampfbund se militêre leier was Hermann Kriebel en sy politieke leier was Adolf Hitler. Dit was kaptein Ernst Röhm wat voorgestel het dat Hitler die politieke leier van die Kampfbund moet word.

Die Kampfbund was verantwoordelik vir die biersaal staatsgreep van 1923 in München, Duitsland. Dit is gestig op 30 September 1923 te Nürnberg, waar Adolf Hitler en ander nasionalistiese leiers byeengekom het om Duitsland Dag te vier. Dit was die dag waarop Duitsland se oorwinning oor Frankryk in 1870, herdenk is. Die doel van die organisasie was om agendas te konsolideer en in pas met mekaar te bring terwyl terselfdertyd die verskille tussen die Beierse en sentrale regering polities uit te buit. Die rede vir die verskille was grootliks die beëindiging van die klandestiene Ruhr stryd deur die sentrale regering in Berlyn wat die nasionalisties gesindes ontstig het.

Organisasies in die Kampfbund[wysig | wysig bron]

Gedurende die tyd het die Duitse Werkersparty gegroei van 'n randfiguur politieke splintergroep tot Beiere se mees beduidende politieke beweging met 70 000 lede. Die SA, die private leër van dié party, was ongeveer 15 000 sterk, aangevoer deur Hermann Göring. 'n Subgroep van die NSDAP was die Stosstrupp, 'n elite lyfwageenheid aangevoer deur die tabakhandelaar Josef Berchtold. 'n Ander groep was die party se jeuggroep die Jungsturm gelei deur Adolf Lenk.

Die Oberland Liga was 'n paramilitêre organisasie aangevoer deur Dr. Friedrich Weber. Dit het bestaan uit 4 000 gewapende lede, feitelik almal voormalige Eerste Wêreldoorlog veterane. Die eenheid was 'n Freikorps-entiteit.

Die Reichskriegsflagge (Rykgevegsvlag) verkort as die RKF gemeenskap, was nog 'n private leër van voormalige oorlogsveterane gelei deur Kaptein Röhm wat die stafoffisier was van Lt. Generaal Otto von Lossow bevelvoeder van die Sewende Divisie met 'n hoofkwartier in München.