Lang Lang

in Wikipedia, die vrye ensiklopedie
Lang Lang
Lang Lang na 'n uitvoering tydens die Wêreld Ekonomiese Forum se jaarlikse vergadering in Davos, 2010
Gebore14 Junie 1982 (1982-06-14) (41 jaar oud)
Shenhe Distrik, Shenyang, Liaoning, China
Alma materCurtis Institute of Music, Philadelphia
BeroepPianis
Jare aktief1993–huidig
AgentCAMI
EggenootGina Alice Redlinger (t. 2019)
Ouer(s)Lang Guoren (郎国任)
Zhou Xiulan (周秀兰)

Lang Lang (Chinees: 郎朗|Láng Láng; * 14 Junie 1982) is 'n Chinese konsertpianis wat bykomend tot uitvoerings in sy vaderland reeds saam met toonaangewende orkeste in die Verenigde State, Europa en Kanada opgetree het.

Vroeë lewe[wysig | wysig bron]

Lang Lang was in Shenyang, Liaoning, China op 14 Junie 1982 gebore. Sy vader, Lang Guoren, is 'n lid van die Mantsjoeryse Niohuru groep, waaruit 'n lang lyn Qing-keiserinne kom. Lang Guoren is ook 'n musikant en bespeel 'n tradisionele Chinese strykinstrument genaamd die erhu.[3]

Op die ouderdom van twee jaar het Lang na die Tom and Jerry episode, The Cat Concerto gekyk, waarin Liszt se Hongaarse Rapsodie No. 2 gespeel word. Lang het gesê dat dit hierdie aanvanklike kontak met Westerse klassieke musiek was wat hom gemotiveer het om die klavier te leer bespeel.[4][5] Hy het op die ouderdom van drie jaar klavierlesse by professor Zhu Ya-Fen geneem. Hy het op die ouderdom van vyf jaar eerste plek verower tydens die Shenyang Klavierkompetisie, en sy eerste openbare uitvoering gegee.[6]

Toe Lang nege jaar oud was wou hy 'n onderhoud vir Beijing se Sentrale Konservatoria van Musiek aflê. Hy het egter probleme met sy lesse ondervind en sy klaviertutor het hom by sy klas uitgeboender as gevolg van 'n "gebrek aan talent".[7] 'n Ander musiekonderwyser het kennis geneem van Lang se ongelukkigheid, en die partituur van Mozart se Klaviersonate No. 10 in C majeur, K. 330 op die klavier geplaas en hom gevra om die tweede beweging daarvan te speel, welke Lang aan sy liefde vir die instrument herinner het. Hy het die herinnering opgeroep dat "Die speel van die K. 330 het my weer hoop gegee het."[7]

Lang was later by die konservatoria ingeskryf, waar hy onder Professor Zhao Ping-Guo studeer het.[8] In 1993 het Lang die Xinghai Nasionale Klavierkompetisie in Beijing gewen, en in 1994 is die eerste prys vir uitstekende artistieke uitvoering, tydens die Vierde Internasionale Kompetisie vir Jong Pianiste in Ettlingen, Duitsland, aan hom toegeken.[6] Lang het in 1995 op die ouderdom van dertien die Op. 10 en Op. 25 études deur Chopin by die Beijing Konsertsaal gespeel. In dieselfde jaar het Lang ook eerste prys tydens die Internasionale Tsjaikofski Kompetisie vir Jong Musikante in Japan gewen,[6] met die speel van Chopin se Klavierconcerto No. 2 saam met die Moskou Filharmoniese Orkes. (welke deur NHK Television uitgesaai is)[9] Toe hy veertien jaar oud was het Lang as solis tydens die Chinese Nasionale Simfonieorkes se inwydingskonsert gespeel wat deur China Central Television uitgesaai is en bygewoon is deur President Jiang Zemin.

Lang het in 1997 op die ouderdom van vyftien saam met sy vader na die Verenigde State verhuis. waar hy sy studies begin het by Gary Graffman van die Curtis Institute of Music in Philadelphia, Pennsilvanië.[10][2]


Lang Lang en die sanger Katharine McPhee tree op 24 Mei 2009 op tydens die National Memorial Day Concert in Washington, D.C.

Geselekteerde verskynings[wysig | wysig bron]

Lang tydens die Internasionale Chopin Jaar 2010

Lang het tydens verskeie opelug konserte opgetree, insluitende Central Park in New York, Hollywood Bowl, Los Angeles, die Ravinia-fees in Chicago, die Theaterplatz in Dresden en Derby Park in Hamburg.[11][12]

Lang Lang het in Julie 2007 by Teatro del Silenzio, Lajatico, Italië gespeel tydens 'n konsert wat deur Andrea Bocelli georganiseer is. Hy het "Io ci sarò" saam met Bocelli uitgevoer, sowel as Liszt se "Hongaarse Rapsodie". Die uitvoering is op DVD beskikbaar, met die titel Vivere Live in Tuscany.[13]

In Desember 2007 het Lang Lang tydens die Nobelprys konsert in Stockholm opgetree.[12] Hy het in samewerking met Seiji Ozawa tydens die Nuwejaar Gala-openingsgeleentheid in die Nasionale Sentrum vir die Uitvoerende Kunste in Beijing opgetree.[14] Hy het ook deelgeneem aan die openingskonsert by München se Olimpiese Stadium saam met Mariss Jansons, welke die 2006 FIFA Wêreldbeker afgeskop het,[15] en, in 'n konsert ter viering van die 2008 Eurobeker finaal, het Lang saam met die Weense Filharmoniese Orkes onder Zubin Mehta voor die Schönbrunn-paleis gespeel.[16]

In 2008 het 'n geskatte gehoor van tussen een en vier miljard mense Lang se uitvoering tydens Beijing se openingseremonie vir die Olimpiese Somerspele 2008 aanskou waar hy as 'n simbool van die jeug en toekoms van China bevorder is.[17] Gedurende die spele het hy ook op die Duitse TV netwerk ZDF verskyn. Tydens die openingseremonie van die Spele het hy 'n melodie van die Geelrivier Kantate saam met die vyfjarige Li Muzi gespeel.[18] Lang het ook saamgewerk met die Duitse musiekgroep Schiller om "Time for Dreams" op te neem, welke gedien het as promosie-materiaal i.v.m. die dekking van die 2008 Spele in Duitsland.

In Februarie 2008 het Lang en die jazz pianis Herbie Hancock saam gespeel tydens die 50ste jaarlikse Grammy-toekennings. Hulle het George Gershwin se Rhapsody in Blue gespeel. Die twee het weer saamgespeel vir United Airlines se her-bekendstelling van hul "It's Time to Fly" reklame veldtog, met 'n reeks nuwe geanimeerde advertensies wat tydens die Olimpiese Somerspele 2008 gebeeldsend is.[19] In April 2008 het Lang Lang die eerste uitvoering van Tan Dun se Eerste Klavierconcerto, met die subtitel "The Fire", gegee.[20] Hancock en Lang het voortgegaan om saam te werk, met 'n wêreldtoer in die somer van 2009.[21]

In 2009 het hy by Carnegie Hall opgetree, vergesel deur Marc Yu, 'n tienjarige pianis en wonderkind van Pasadena, Kalifornië, wat sy Carnegie Hall buiging tydens die geleentheid gemaak het.[22]

Lang het in die bekroonde Duits-Oostenrykse dokumentêre rolprent Pianomania gespeel,[23] waarvan Lilian Franck en Robert Cibis die regisseure was. Die rolprent het in Noord-Amerika, Asië en regdeur Europa gespeel, en is deel van die Goethe-Institut katalogus.[24]In 2010 het Lang in Carnegie Hall se China-fees verskyn en op nuwejaarsdag saam met die New York Filharmoniese orkes by die Avery Fisher-saal gespeel.[25][26]In 2011 het Lang die Last Night of the Proms by die Royal Albert Hall saam met die BBC Simfonieorkes geopen. Hy het Liszt se 1ste Klavierconcerto en Chopin se Grande Polonaise Brillante gespeel.[27]In June 2012 het Lang Liszt se Hongaarse Rapsodie No. 6 en Gershwin se Rhapsody In Blue by die Diamond Jubilee Concert te Buckingham-paleis gespeel.[28]In 2012 het Lang 'n meestersklas aan 'n paar geselekteerde pianiste by die Koninklike Kollege van Musiek gegee, waarby Lara Ömeroğlu en Martin James Bartlett ook betrokke was. In Januarie 2014 het Lang saam met die heavy metal groep Metallica tydens die 56ste Grammy-toekennings gespeel. Hulle het die groep se klassieke lied "One" uitgevoer.Op 3 Julie 2014 het Lang by die Byblos Internasionale fees in Byblos, Libanon gespeel.[29]In September van dieselfde jaar het hy saam met die Koreaanse kunstenaar PSY tydens die openingskonsert van die 2014 Asiese Spele in Incheon, Suid-Korea, gespeel. Op 18 Oktober in dieselfde jaar het Lang tydens die Red Velvet Ball saam met die St. Louis Simfonieorkes met David Robertson as dirigent by Powell Hall gespeel. Op 8 Februarie 2015 het Lang saam met Pharrell Williams en Hans Zimmer tydens die 57ste Grammy-toekennings gespeel. Hulle het Pharrell se trefferlied, "Happy", gespeel. Op 30 April 2015 het Lang gespeel tydens die Expo 2015 openingskonsert saam met Andrea Bocelli by Piazza del Duomo in Milaan. Op 4 Julie 2015 het Lang die "Rhapsody in Blue" van Gershwin uitgevoer tydens "A Capitol Fourth", te wete 'n VSA Onafhanklikheidsdagviering wat vanuit Washington, D.C. uitgesaai is. Tydens 'n spesiale verskyning in die 30 Desember 2015 episode van "Mozart in the Jungle" het Lang 'n weergawe van Franz Liszt se "Hongaarse Rapsodie No. 2" uitgevoer.[30]

Boeke[wysig | wysig bron]

Lang se outobiografie, Journey of a Thousand Miles, wat deur Random House-uitgewers in agt tale gepubliseer was, was in die somer van 2008 vrygestel. Delacorte Press het ook 'n weergawe van die outobiografie getiteld Playing with Flying Keys, wat spesifiek vir jonger lesers bedoel is, vrygestel .

Verwysings[wysig | wysig bron]

  1. ↑ "Pianist Lang Lang Tells Us His Tricks for Practicing in an NYC Apartment". DNAinfo New York (in Engels). Geargiveer vanaf die oorspronklike op 3 Desember 2019. Besoek op 25 Julie 2018.
  2. ↑ 2,0 2,1 Greenstreet, Rosanna (13 Mei 2011). "Lang Lang: 'I'd play the piano at 5am'". the Guardian (in Engels). Geargiveer vanaf die oorspronklike op 30 Desember 2019. Besoek op 25 Julie 2018.
  3. ↑ Na Young Kwon, "An Avante Garde Pianist: A musical genius finds inspiration from the backdrop of the Cultural Revolution" Geargiveer 4 Maart 2012 op Wayback Machine, International Examiner. Retrieved 13 September 2011.
  4. ↑ "Lang Lang's Journey to Beethoven". Morning Edition (National Public Radio). 8 Mei 2007. https://www.npr.org/templates/story/story.php?storyId=10060309. Besoek op 30 September 2016. 
  5. ↑ Lang, Lang; David Ritz. "Tom and Gerry". Journey of a Thousand Miles. pp. Spiegel & Graul.
  6. ↑ 6,0 6,1 6,2 Stevenson, Joseph.Lang Lang biography. AllMusic
  7. ↑ 7,0 7,1 "Lang Lang looks back".Billboard; 18 Februarie 2006
  8. ↑ "Lang Lang: Chapter 5: First Step Towards the World Stage"[dooie skakel], Chinese Biographies, Cheng & Tsui. Retrieved 11 September 2011.
  9. ↑ Lang Lang biography Geargiveer 17 Oktober 2007 op Wayback Machine at Telarc
  10. ↑ "Lang Lang: Chapter 6: A Miracle in Musical History"[dooie skakel], Chinese Biographies, Cheng & Tsui. Retrieved 11 September 2011.
  11. ↑ "Lang Lang" Geargiveer 9 September 2011 op Wayback Machine, Hollywood Bowl. Retrieved 11 September 2011.
  12. ↑ 12,0 12,1 "Piano Masters: Lang Lang – Sold Out!" Geargiveer 14 Augustus 2019 op Wayback Machine, Montalco Arts. Opgespoor op 11 September 2011.
  13. ↑ "5 Julie 2007: Teatro del Silenzio, Lajatico, Italië", Bocelli Deutschland. Opgespoor op 11 September 2011.
  14. ↑ "Artist Biography: Lang Lang" Geargiveer 6 April 2012 op Wayback Machine, San Francisco Symphony. Retrieved 11 September 2011.
  15. ↑ "3 Orchester & Stars" Geargiveer 23 Mei 2015 op Wayback Machine, Munich Olympia Park. Opgespoor op 11 September 2011.
  16. ↑ "Lang Lang at Schönbrunn", C Major Entertainment. Opgespoor op 11 September 2011.
  17. ↑ "China's Superstar Pianist Lang Lang to Perform to Over Five Billion Viewers at 2008 Summer Olympic Games Opening Ceremony in Beijing on Friday, August 8th" Geargiveer 16 Mei 2012 op Wayback Machine, PR Newswire quoting Align Entertainment Group as source. Opgespoor op 11 September 2011.
  18. ↑ Jie, Chen. Lang delights the crowd with moving performance China Daily
  19. ↑ "Archived copy" (in Engels). Geargiveer vanaf die oorspronklike op 29 Februarie 2012. Besoek op 25 November 2016.{{cite web}}: CS1 maint: archived copy as title (link)
  20. ↑ Nordlinger, Jay (11 April 2008). "Tan Dun's Musical Mishmash". The Sun (in Engels). New York. Geargiveer vanaf die oorspronklike op 16 Februarie 2020. Besoek op 25 Januarie 2010.
  21. ↑ "Lang Lang Sets Peaceful Mood in Oslo" Geargiveer 19 Oktober 2013 op Wayback Machine, Confucius Institute. Opgespoor op 11 September 2011.
  22. ↑ "Ten-Year-Old Prodigy Plays Carnegie Hall" Geargiveer 10 Februarie 2013 op Wayback Machine. CBS News. Opgespoor op 12 September 2011.
  23. ↑ "Pianomania". Oval-film.com (in Engels). Geargiveer vanaf die oorspronklike op 11 Maart 2012. Besoek op 23 Mei 2017.
  24. ↑ "Pianomania", First Run Features. Opgespoor op 4 Junie 2012.
  25. ↑ "Ancient Paths, Modern Voices" Geargiveer 19 Junie 2010 op Wayback Machine, Carnegie Hall. Opgespoor op 12 September 2011.
  26. ↑ "New Year's Eve: Alan Gilbert, Lang Lang, and Tchaikovsky" Geargiveer 9 Maart 2011 op Wayback Machine, New York Philharmonic. Opgespoor op 12 September 2011.
  27. ↑ Ivan Hewett, "BBC Proms 2011: Last night of the Proms, review", The Telegraph, 10 September 2011. Opgespoor op 11 September 2011.
  28. ↑ Mark Savage, "Stars shine on The Queen at Jubilee concert", BBC News, 5 Junie 2012. Opgespoor op 5 Junie 2012
  29. ↑ "Archived copy" (in Engels). Geargiveer vanaf die oorspronklike op 21 Augustus 2014. Besoek op 21 Augustus 2014.{{cite web}}: CS1 maint: archived copy as title (link)
  30. ↑ "9 'Mozart in the Jungle' Scene-Stealing Cameos from Season 2" (in Engels). 6 Januarie 2016. Geargiveer vanaf die oorspronklike op 19 Mei 2020. Besoek op 30 April 2016.

Verdere leeswerk[wysig | wysig bron]

Eksterne skakels[wysig | wysig bron]

Ontsluit van "https://af.wikipedia.org/w/index.php?title=Lang_Lang&oldid=2619348"