Marat Bisengaliev

in Wikipedia, die vrye ensiklopedie
Marat Bisengaliev
Gebore1962 (61–62 jaar oud)
Almati, Kasakstan
GenresKlassiek
Beroep(e)Violis, dirigent
InstrumenteViool

Marat Bisengaliev (gebore 1962 in Almati) is a Kasakstaanse violis en dirigent van beide die Wes-Kasakstan Filharmoniese Orkes en TuranAlem Kasakstan Filharmoniese Orkes. Hy is die stigter-musiekdirekteur van die Simfonieorkes van Indië. Bykomend hiertoe is hy hoof van die Uralsk Internasionale Vioolkompetisie. Hy woon en werk die meeste van die tyd óf in die Verenigde Koninkryk óf in Indië. Bisengaliev is ook die vader van die sanger Aruhan Galieva.

Loopbaan[wysig | wysig bron]

1989 – Bisengaliev het 'n kamermusiek orkes genaamd "Altyn-Alma" in Alma-Ata gestig. In dieselfde jaar was hy genooi om deur Engeland te toer. Tydens een van die konserte het Marat die vioolkonsert deur Jean Sibelius opgevoer, en luisteraars geskok met sy emosionele emansipasie en die diepte van sy interpretasie.

David Danton, 'n regisseur van die plaatetiket "Naxos", het op dieselfde dag aan Bisengaliev 'n platekontrak aangebied vir die gehele opname van sy concerto repertoire. In die daaropvolgende jare (1992–2008) het Bisengaliev veertien CD's opgeneem met die grootste Westerse plaatetikette, soos "Naxos", "Marco Polo", "Sony", "EMR – Classic" en "Black Boxing".[1]

Hy was in 1988 'n pryswenner tydens die Leipzig Internasionale Bach Kompetisie, en in 1991 het hy eersteprys gewen tydens die Internasionale Nicanor Zabaleta Kompetisie in Spanje, en ook die spesiale virtuoso-prys gewen vir die mees uitstaande opvoering van die kompetisie.

2000 – ontvang die Onafhanklike "Platinum Tarlan" Prys en die Regerings-"Eremedalje" in Kasakstan.

2003 – Stig die Wes-Kasakstan Filharmoniese Orkes.

2006 – word die Artistieke Direkteur van die Simfonieorkes van Indië, die eerste professionele Simfonieorkes in Indië.

2010 – word een van die direkteurs van AAPRO (Alliansie van die Asies-Pasifiese Regionale Orkes).

Bisengaliev het in reaksie op die Borat rolprent 'n simfonie genaamd "Zere" van Erran Baron Cohen, die musikale direkteur van die rolprent (en broer van die Boratster Sacha Baron Cohen) aangevra.[2]

Marat Bisengaliev het konserte gegee in meer as vyf-en-dertig lande en opgetree saam met bekende orkeste soos die Noordelike Simfonie, Moskouse Tsjaikofski Konservatoria, Pole Nasionale Radio-simfonieorkes, Warskou Filharmoniese Orkes en die Nasionale Simfonieorkes van Oekraïne. Marat het opgetree in die mees luisterryke konsertsale in die wêreld, insluitend Carnegie-saal (New York Stad), Koninklike Albert-saal, Barbican-saal en by die Wigmore-saal (Londen), asook in Manchester, Belfast en die groot saal van die Moskou Konservatoria.

Platelys[wysig | wysig bron]

1992 – LALO, Symphonie espagnole (Édouard Lalo, Sarasate, Ravel, Saint-Saens) met die Poolse Simfonieorkes, Naxos

1992 – Henryk Wieniawski, Viool Pronkstukke (Henryk Wieniawski vioolsketse), Naxos

1993 – BRIAN CYRCLE (Concerto vir Viool, en Simfonie No. 18 deur Havergal Brian), Naxos / Marco Polo

1994 – Johannes Brahms / JOACHIM (Hongaarse danse en Joachim se romanse), Naxos

1995 – Henryk Wieniawski (Concertos vir Viool No. 1 en 2 by Henryk Wieniawski), Naxos

1996 – Felix Mendelssohn (Twee concerts deur Felix Mendelssohn vir viool en orkes), Naxos

1998 – DUET (Mendelssohn se Dubbelkonsert vir viool en Klavier met Jania Aubakirova in die Barbican-saal, Londen).

1999 – Herontdekte werke vir viool, vol.2 (Nuut ontdekte werke vir Viool deur Edward Elgar, Black Box, (nominasie vir die Prys van Gramophone tydskrif, Engeland)

1999 – BRAHMS (Drie Brahms sonatas vir klavier en viool), Black Box

2001 – ELGAR Herontdekte werke vir viool, vol.2 (Nuut ontdekte werke vir Viool deur Edward Elgar, volume 2), Black Box

2005 – ANTON RUBINSTEIN (Trio No. 3 deur Anton Rubinstein vir klavier, tjello, viool met orkes ens.), "Melodie"

2005 – KARL JENKINS, Requiem (M. Bisengaliev – viool en die Wes-Kasakstan Filharmoniese Orkes, DK K. Jenkins), EMI, (No.1 in Classic Sales Chart and No.1 in "Classic" in Classic FM Magazine)

2006 – Havergal Brian, Vioolconcerto (M. Bisengaliev – viool en die BBC Skotse Simfonieorkes, dirigent Lionel Friend), Naxos

2006 – Karl Jenkins, Tlep (M. Bisengaliev – viool en die Wes-Kasakstan Filharmoniese Orkes, DK K. Jenkins), Sony BMG, (Gold Disc van Sony BMG)

2008 – Karl Jenkins, Quirk, insluitende 'n concerto for viool Sarikiz (M. Bisengaliev – viool en Londen Simfonieorkes, K. K. Jenkins), EMI

2011 – "Elgar / Elgar" (trippel CD)

Boeke[wysig | wysig bron]

Sien sy 2011-outobiografiese boek "Do … Re ..."

Interessante feite[wysig | wysig bron]

Marat Bisengaliev is 'n burger van Kasakstan, ten spyte daarvan dat hy al vir twintig jaar in Engeland woon. Sy familie woon op die Griekse eiland Kreta. Hy besit wonings in Engeland, Almati, Kasakstan Oeralsk (voorheen Yaitsk), Mumbai en Nieu-Seeland. The New York Times vermeld dat "hy hom 'n styl van speel op die hart geneem wat vroeg in die eeu 'n waarmerk van viool virtuositeit was".[3]Hy het 'n aantal goeie plate vir Naxos gemaak, en daarop gebaseer is hy 'n violis van groot tegniese prestasie en straal hy deur sy speelwerk 'n groot kommunikatiewe warmte uit; hy genereer ook 'n goeie en fyn wisselwerking met die bewonderenswaardige Benjamin Frith.[4]

Verwysings[wysig | wysig bron]

  1. "Last Word: Marat Bisengaliev | Steppe". steppemagazine.com (in Engels (VSA)). Geargiveer vanaf die oorspronklike op 7 April 2017. Besoek op 14 Mei 2017.
  2. Oh, Kazakhstan | Sound Tracks | PBS
  3. Kozinn, Allan (20 September 1995). "IN PERFORMANCE; CLASSICAL MUSIC". The New York Times (in Engels). ISSN 0362-4331. Geargiveer vanaf die oorspronklike op 5 Mei 2019. Besoek op 14 Mei 2017.
  4. Achenbach, Andrew (9 Januarie 2013). "Elgar Works for Violin & Piano". www.gramophone.co.uk (in Engels). Geargiveer vanaf die oorspronklike op 27 April 2020. Besoek op 14 Mei 2017.

Notas[wysig | wysig bron]

Hierdie artikel is in sy geheel of gedeeltelik vanuit [[[:en:Marat Bisengaliev]] die Engelse Wikipedia] vertaal.

Eksterne skakels[wysig | wysig bron]