Matthew Perry
| Matthew Perry | |
| |
Perry in 2013
| |
| Geboortenaam | Matthew Langford Perry |
|---|---|
| Geboorte | 19 Augustus 1969 Williamstown, Massachusetts (VSA) |
| Sterfte | 28 Oktober 2023 (op 54) Los Angeles, Kalifornië, VSA |
| Nasionaliteit | Amerikaans |
| Beroep(e) | Akteur |
| Aktiewe jare | 1987 — 2023 |
| Rolprente | 17 Again |
| Internet-rolprentdatabasis-profiel | |
Matthew Perry (19 Augustus 1969 - 28 Oktober 2023) was 'n Amerikaanse akteur, vervaardiger, en skrywer. Hy was bekend vir sy rolle in die rolprente Fools Rush In (1997) en The Whole Nine Yards (2000), en in die televisiereekse Friends (1994) en Studio 60 on the Sunset Strip (2006).
Hy het die rol van Chandler Bing op die NBC-sitkom Friends vir tien jaar tussen 1994 en 2004 vertolk en het 'n Primetime Emmy-toekenningsnominasie in 2002 vir daardie rol ontvang. Hy is vir 'n Golden Globe-toekenning vir sy rol in The Ron Clark Story genomineer.
Lewensloop[wysig | wysig bron]
Perry is in die Verenigde State gebore, maar het in Ottawa, Kanada, grootgeword. Hy was die seun van die akteur John Bennett Perry en Suzanne Marie Langford. Sy ouers het geskei toe Perry ongeveer 'n jaar oud was. Sy ma was 'n woordvoerder van die Kanadese premier Pierre Trudeau en Perry was 'n klasmaat van sy seun en latere premier, Justin Trudeau.
Perry moes kies tussen 'n loopbaan as akteur of as 'n professionele tennisspeler. Hy het 'n besonderse talent vir tennis gehad, maar het besluit om die akteursberoep te betree. Perry het tien jaar lank Chandler Bing in die televisiereeks Friends gespeel. Hy het gassterrolle in die Ally McBeal en The West Wing-reekse gespeel. Hy het ook stemwerk gedoen in die geanimeerde reeks, The Simpsons, en speel hoofrolle in Hollywood-films soos Fools Rush In, The Whole Nine Yards en 17 Again.
Perry het geworstel met alkohol- en dwelmverslawing, wat hy in sy outobiografie, Friends, Lovers and the Big Terrible Thing in 2022, aangehaal het. Hy het 'n deel van sy regtermiddelvinger gemis weens 'n ongeluk met 'n deur. In 2018 het hy 'n operasie ondergaan vir die perforasie van sy spysverteringskanaal en was hy twee weke in 'n koma.
Perry is op 28 Oktober 2023 op 54-jarige ouderdom in die Jacuzzi van sy huis in Los Angeles dood aangetref.[1][2][3][4][5]
Filmografie[wysig | wysig bron]
Rolprente[wysig | wysig bron]
- 1997: Fools Rush In
- 1998: Almost Heroes
- 1999: Three to Tango
- 2000: The Whole Nine Yards
- 2002: Serving Sara
- 2004: The Whole Ten Yards
- 2007: Numb
- 2008: Birds of America
- 2009: 17 Again
Televisiereekse[wysig | wysig bron]
- 1987: Boys Will be Boys
- 1990: Sydney
- 1993: Home Free
- 1994: Friends
- 2006: Studio 60 on the Sunset Strip
- 2010: Celebrity Liar
- 2011: Mr. Sunshine
- 2012: Go On
- 2015: The Odd Couple
Televisierolprente[wysig | wysig bron]
- 1987: Morning Maggie
- 1994: L.A.X. 2194
- 1995: A Day with
- 1997: Oops! The World's Funniest Outtakes 5
- 2000: Hollywood Salutes Bruce Willis: An American Cinematheque Tribute
- 2003: Glam Slam: WTA Fashion Show
- 2006: The Ron Clark Story
- 2007: Out of Control: 10 Celebrity Rehabs Exposed
- 2008: The End of Steve
- 2010: An Extras Night In
Video's[wysig | wysig bron]
- 1995: Microsoft Windows 95 Video Guide
- 2005: Friends Final Thoughts
- 2005: Friends Gag Reel: Season 9
- 2009: Going Back to 17
- 2009: Zac Goes Back
Eksterne skakels[wysig | wysig bron]
 |
Wikimedia Commons bevat media in verband met Matthew Perry. |
Verwysings[wysig | wysig bron]
- ↑ "'De wereld gaat je missen': geschokte reacties op dood Friends-acteur Matthew Perry". NOS (in Nederlands). 29 Oktober 2023. Besoek op 30 Oktober 2023.
- ↑ "Matthew Perry wilde niet alleen herinnerd worden als Chandler: 'Ik heb goede dingen gedaan'". Algemeen Dagblad. 30 Oktober 2023. Besoek op 30 Oktober 2023.
- ↑ "Friends-acteur Matthew Perry ontslagen uit ziekenhuis na maagoperatie". NU (in Nederlands). 16 September 2018. Besoek op 29 Oktober 2023.
- ↑ "Matthew Perry, 'Friends' actor, dies of apparent drowning at 54". NBC News (in Engels). 29 Oktober 2023. Besoek op 29 Oktober 2023.
- ↑ Benjamin Lee; Sian Cain (29 Oktober 2023). "Matthew Perry, actor best known for Friends, dies at 54". The Guardian (in Engels). Besoek op 30 Oktober 2023.
Normdata  |
|
|---|