Meervoud

'n Meervoud is die vorm van 'n selfstandige naamwoord wat dui op meer as een entiteit. In Afrikaans word dit meestal gevorm deur 'n agtervoegsel of 'n verbuiging van die enkelvoudvorm van die selfstandige naamwoord.

In Afrikaans is die lidwoord wat meervoude voorafgaan die. Die lidwoord 'n word nooit voor meervoude gebruik nie. In vele ander tale beïnvloed meervoudigheid ander woorde in die sin, maar in Afrikaans bly die meeste ander woorde onveranderd met die gebruik van enkelvoud teenoor meervoud.

Voorbeelde in Afrikaans[wysig | wysig bron]

Hier volg enkele voorbeelde van meervoude in Afrikaans:

hoofweg, hoofweë
vlag, vlae
hemp, hemde
voog, voogde
slagding, slaggoed
sakeman, sakemanne

Uitgang op -f[wysig | wysig bron]

Wanneer 'n woord op 'n -f eindig, val die -f soms weg, dan sit ons 'n -we in plek van die -f, byvoorbeeld:

geloof, gelowe
stof, stowwe
hof, howe

Afkappingsteken[wysig | wysig bron]

Sekere woorde kry 'n afkappingsteken (of apostroof) ( ' ) voor die s (gewoonlik wanneer die enkelvoud geëindig het op 'n e, i, o, u of beklemtoonde a).

karba's (klem is op die "a")
oumas, paddas, malvas (klem is nie op die "a" nie)
relê's
sari's (Indiese uitrusting)
foto's; disko's (eintlik "diskoteke")
risiko's
balju's
senu's
leeus (Leeus eindig nie met 'n "u" nie, maar 'n "eeu")

Geen enkelvoud[wysig | wysig bron]

Daar is sekere woorde wat net in die meervoud gebruik word, byvoorbeeld:

fiemies
semels
masels
pampoentjies (kindersiekte)

Geen meervoud[wysig | wysig bron]

Sekere enkelvoude het geen ooreenstemmende meervoudsvorm nie. In sulke gevalle kan die lidwoord 'n ook nie gebruik word nie, byvoorbeeld:

goud
water

Kyk ook[wysig | wysig bron]

Verwysings[wysig | wysig bron]

↑ Van der Merwe, H.J.J.M. (1977). Die Korrekte Woord – Afrikaanse Taalkwessies (6de uitg.). Pretoria: J.L. van Schaik Bpk. p. 60. ISBN 0-627-00141-6.

Eksterne skakels[wysig | wysig bron]

Wikiwoordeboek het 'n inskrywing vir meervoud.

[vdm1-1] Van der Merwe, H.J.J.M. (1977). Die Korrekte Woord – Afrikaanse Taalkwessies (6de uitg.). Pretoria: J.L. van Schaik Bpk. p. 60. ISBN 0-627-00141-6.

[1]