Nikolaas-paleis

Die Nikolaas-paleis (Russies: Николаевский дворец, Nikolajefski dworets) is een van verskeie paleise in Sint Petersburg wat deur die argitek Andreas Stackensneider ontwerp is vir die kinders van tsaar Nikolaas I van Rusland. Die paleis van groothertog Nikolai Nikolajewitsj is deel van ’n uitgestrekte kompleks met ’n kerk, ryskool en verskeie buitegeboue.

Die Bolsjewiste het dit hernoem tot die "Paleis van Arbeid" (Russies: Дворец труда; Dworets troeda) en dit aan die vakbonde gegee wat dele van die eklektiese enterieur van die paleis verwoes het met die doel om dit vir hul gebruik aan te pas.