Ondernemingsfinansiering
Ondernemingsfinansiering of korporatiewe finansiering is die afdeling in ondernemings wat verantwoordelik is vir die voorsiening en benutting van kapitaal, beheer oor kontantvloei, kosteberekening en kostebeheer, en skakeling met finsansiële instellings en beleggers. Die eienaar kan die kapitaal voorsien, of kan dit by instellings leen. Die aktiwiteite van hierdie funksie is om te bepaal hoeveel fondse nodig is om die onderneming te bedryf, wanneer en in watter vorm die fondse verkry sal word, en hoe fondse gebruik sal word om die onderneming se aktiwiteite te finansier.
