Pierre van Ryneveld

in Wikipedia, die vrye ensiklopedie
Vir die voorstad van Pretoria wat na hom genoem is, sien Pierre van Ryneveldpark
Pierre van Ryneveld
Pierre van Ryneveld

Pierre van Ryneveld en Quinton Brand in Februarie 1920

Bynaam(e) Pierre
Geboortedatum 2 Mei 1891
Geboorteplek Senekal
Sterfdatum 2 Desember 1972 (81 jaar oud)
Sterfplek Pretoria
Lojaliteit Vlag van Verenigde Koninkryk Verenigde Koninkryk
Vlag van Suid-Afrika Suid-Afrika
Diens/Tak Royal Flying Corps
Britse Lugmag
Suid-Afrikaanse Lugmag
Jare in diens Augustus 1914 – 2 Mei 1949
Rang Generaal
Poste beklee Suid-Afrikaanse Lugmag
Suid-Afrikaanse Weermag
Veldslae/oorloë Eerste Wêreldoorlog
Tweede Wêreldoorlog

Generaal Sir Hesperus Andrias van Ryneveld (bekend as Pierre van Ryneveld) KBE, CB, DSO, MC (2 Mei 1891 - 2 Desember 1972) was 'n Suid-Afrikaanse militêre bevelvoerder en vlieënier. Hy was die stigtersbevelvoerder van die Suid-Afrikaanse Lugmag.

Lewensloop[wysig | wysig bron]

Hy is op 2 Mei 1891 in Senekal, Vrystaat gebore. Hy studeer aan die Grey-kollege, Bloemfontein. Hy sluit hierna aan by die pasgestigte Unie-Verdedigingsmag en gaan studeer aan die Imperial Staff College in Engeland. Tydens die Eerste Wêreldoorlog veg hy in Frankryk en die Midde Ooste; eers saam met die Royal North Lancashire Regiment en toe van April 1915 af by die Royal Flying Corps.Vir sy diens in die oorlog is die Distinguished Service Order en Military Cross aan Van Ryneveld toegeken. Voorts is hy genoem in militêre kabels en het die Chevalier van die Legion of Honour van die Franse regering ontvang.[1]

Na die oorlog is Van Ryneveld deur die Eerste Minister Jan Smuts na Suid-Afrika teruggeroep om die Suid-Afrikaanse Lugmag (SALM) te stig.[2] Hy word beroemd vir sy historiese vlug in 1920 vanaf Londen na Kaapstad via Kaïro. In 1920 het The Times 'n prys van £ 10,000 aangebied vir die eerste vlieënier om van Londen na Kaapstad, Suid-Afrika, te vlieg. Genl. Smuts wou dat Suid-Afrikaanse vlieëniers hierdie roete eerste vlieg en het daarna die aankoop van 'n Vickers Vimy, G-UABA, genaamd Silver Queen, teen 'n koste van £ 4,500 gemagtig. Sir C.J. Quinton Brand het hom op hierdie vlug vergesel.[3] Hy word direkteur van Lugdienste vir Suid-Afrika in 1920,en dit tot 1933 bestuur. In die tyd was hy ook Kommandant van die Suid-Afrikaanse Militêre Kollege in 1929 en Voorsitter van die Burgelike Lugvaartraad in 1931. In 1933 hy as hoof van die algemene personeel van die Unie-weermag bevorder is.[4] Vir die volgende vier jaar het die SALM egter onder Van Ryneveld se direkte beheer gebly, aangesien niemand tot 1937 as die Lugmag se direkteur aangestel is nie. Hy was die hoof van die Generale Staf onder genl. Jan Smuts tydens die Tweede Wêreldoorlog. Hy tree in Mei 1949 af.[5]

Vernoemings en nalatenskap[wysig | wysig bron]

Die Pretoria-voorstad van Pierre van Ryneveldpark is in sy eer benoem en die lughawe net noord van Upington in die Noord-Kaap word ook vernoem na Van Ryneveld. Sir Pierre van Ryneveld Hoërskool is in Kempton Park, Gauteng. Die SALM se jaarlikse lugkrag-simposium, staan bekend as die Sir Pierre Van Ryneveld-lugkrag-simposium.

Verwysings[wysig | wysig bron]

  1. "Supplement to the London Gazett" (PDF). The Gazette. 15 Julie 1919. Besoek op 19 Oktober 2018.
  2. "argiefkopie". Geargiveer vanaf die oorspronklike op 4 Oktober 2011. Besoek op 13 Januarie 2019.
  3. London Gazette, Uitgawe 31900, 14 Mei 1920, bl. 5480
  4. Ellis, Johan (2000). "Oswald Pirow's Five-Year Plan for the Reorganisation of the Union Defence Force, 1933-193". South African Journal of Military Studies. 30 (2).
  5. "van Ryneveld, Pierre - Prominent people". Prominent people (in Engels (VSA)). 14 Julie 2013. Geargiveer vanaf die oorspronklike op 19 November 2019. Besoek op 19 Oktober 2018.

Bron[wysig | wysig bron]

Eksterne skakels[wysig | wysig bron]

Hierdie artikel is in sy geheel of gedeeltelik vanuit die Engelse Wikipedia vertaal.