Pous Cornelius

Pous Cornelius
Geboortenaam	Cornelius
Pontifikaat begin	6 Maart of 13 Maart 251
Pontifikaat eindig	Junie 253
Voorganger	Fabianus
Opvolger	Lucius I
Gebore	Rome, Italië
Sterf	Junie 253 Civitavecchia, Italië

Sint Pous Cornelius
Gebore	Rome, Italië
Sterfte	Junie 253, Civitavecchia, Italië
Vereer in	Rooms-Katolieke Kerk
Feesdag	16 September
Attribute	horing, pouslike tiara, drievoudige kruisstaf
Beskermheilige	boere, vee, diere met horings (Verenigde Koninkryk)

Cornelius was die een-en-twintigste pous van die Rooms-Katolieke Kerk.

Biografie

Op 6 Maart of 13 Maart 251 volg Cornelius Pous Fabianus op en word in 253 opgevolg deur Pous Lucius I. Die naam ‘Cornelius’ beteken ‘sterk soos 'n horing’.

Pontifikaat

Na die dood van Pous Fabianus is die pos vakant vir 15 maande. Pous Cornelius word pous tydens 'n rusperiode in die christenvervolgings. Sy verkiesing is teengestaan deur Novatianus, maar gesteun deur Ciprianus. Hy regeer slegs twee jaar voordat hy deur keiser Trebonianus Gallus verban word na Civitavecchia. Ciprianus berig dat die kerk in die tyd in Rome 155 priesters gehad het 1500 weduwees en armes versorg het.

Drie biskoppe uit Suid-Italië kies Novatianus as teenpous. Tydens 'n sinode in Rome waaraan 60 biskoppe deelgeneem het in die herfs van 251 word Novatianus en sy volgelinge geëkskommunikeer.

Verering

Cornelius is in Junie 253 onthoof en word as heilige vereer. Sy gedenkdag is op 16 September saam met Cyprianus. Hy is begrawe in die Callixtus katakombe waar sy beeltenis op 'n muurskildering te sien is. Sy attribute is 'n horing, die pouslike tiara en die drievoudige kruisstaf. Sy steun word gevra teen epilepsie (die Cornelius siekte), kramp, senu- en oorsiektes. Hy is die beskermheilige van die boere en vee (sowel groot- as kleinvee). In Brabant word hy ‘Sint Knillis’ genoem.

Argeologie

Die graf van Cornelius was vir eeue verlore. Die argeoloog Giovanni Battista de Rossi het in 1849 die eerste stuk van die grafserk van Cornelius gevind toe hy 'n skeidsmuur in 'n verlate kerkie naby die Via Appia deurbreek het. In 1852 vind hy 'n kamer wat later met sekerheid as die graftombe van Cornelius geëien is. Hierdie herontdekking word beskou as die begin van die katakombenavorsing.

Verwysings

• Brown, Peter 1987 in A History of Private Life: 1. From Pagan Rome to Byzantium, Paul Veyne, editor.
• Albert Altenähr OSB: Das Grab des hl. Cornelius in der Calixtus-Katakombe zu Rom, als Manuskript vervielfältigt, Aachen 1991.
• Peter Jan Margry & Charles Caspers: Bedevaartplaatsen in Nederland, vol. 1, Amsterdam 1997.
• Matthias Zender: Räume und Schichten mittelalterlicher Heiligenverehrung in ihrer Bedeutung für die Volkskunde. Die Heiligen des mittleren Maaslandes und der Rheinlande in Kultgeschichte und Verbreitung. 2. Auflage 1973, Bonn.
• J. E. Stadler und F. J. Heim (Herausgeber): Volständiges Heiligen-Lexikon oder Lebensgeschichten aller Heiligen, Seligen etc etc aller Orte und aller Jahrhunderte, deren Andenken in der katholischen Kirche gefeiert oder sonst geehrt wird..., 1858

Eksterne skakels

• CE Inskrywing in die Catholic Encyclopedia (Engels)

• BBKL Inskrywing (met Literatuurverwysings) in die Biographisch-Bibliographisches Kirchenlexikon (Duits)
• Letters of Pope Cornelius I
• Ökumenisches Heiligenlexikon
• Die Wiederentdeckung der Cornelius-Gruft Geargiveer 27 September 2007 op Wayback Machine
• Der Heilige mit dem Horn Geargiveer 16 Maart 2008 op Wayback Machine
• Stätten der Cornelius-Verehrung Geargiveer 1 Julie 2007 op Wayback Machine
• Noch mehr Heilige namens Cornelius Geargiveer 27 September 2007 op Wayback Machine

Nota

Saamgestel uit die Nederlandse, Engelse, Duitse en Franse wiki’s.

Opvolging

Voorafgegaan deur Fabianus

Biskop van Rome 251 – 253

Opgevolg deur Lucius I