Rooihartbees
| Rooihartbees | |
|---|---|
| |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | A. caama
|
| Binomiale naam | |
| Alcelaphus caama | |
| Sinonieme | |
|
Alcelaphus buselaphus caama G. Cuvier, 1804 | |
Die rooihartbees (Alcelaphus buselaphus) is 'n wildsbok wat in Suider-Afrika voorkom.
Bou[wysig | wysig bron]
Die bok is glansend rooibruin van kleur terwyl die bles op die gesig, stert en buitekant van die bene swart is met die agterkante van die boude ligbruin. Albei geslagte het horings. Hulle skouers is hoog met 'n knop daarop en die rug loop skuins af na agter. Die bul is 1,25 m hoog by die skouers wanneer hy volgroei is en weeg dan 150 kg, terwyl die koei sowat 120 kg weeg.
Die rooihartbees is met 'n skouerhoogte van sowat 130 cm 'n taamlike groot antiloop wat tot 180 kg kan weeg. Kenmerkend vir die dier is die lang, smal gesig en die diep geriffelde horings, waarvan die boonste deel skerp na agter geboë is. Die horings word gewoonlik net langer as 60 cm. Die algemene pelskleur is ligrooibruin en die stert is swart. Die geslagte lyk eners, maar die koeie is effens kleiner as die bulle.
Habitat en ander feite[wysig | wysig bron]
Die soogdier word met oop vlaktes geassosieer en kom op verskeie tipes droë grasveld voor. Dit is 'n kuddedier en kan 'n snelheid van tot 65 km/h haal. Hulle ruik en hoor baie goed, maar sien swak. 'n Rooihartbeeskoei is 8 maande lank dragtig en 'n enkele kalf word vroeg in die somer (tussen Oktober en Desember) gebore.
Die rooihartbees is 'n groot, rooibruin antiloop wat op die grasvlaktes en yl beboste streke van Suider-Afrika hou. Hy is nie nou verwant aan die basterhartbees (Damaliscus lunatus) nie. Rooihartbeeste word gewoonlik in klein troppe in oop terrein soos grasvlaktes en yl beboste veld aangetref.
Hulle vreet hoofsaaklik gras en kan lang tye sonder water bly. Die oop terrein pas die diere goed, aangesien hulle nie aggressief is nie en op hul vaart staatmaak om roofdiere te ontvlug. Volgens raming kan 'n rooihartbees in goeie kondisie sowat 65 km/h hard loop en die pas 'n hele ent volhou.
Vroeër was rooihartbeeste volop in Suid-Afrika, maar is so gejag dat hulle teen 1875 feitlik uitgeroei was. In die Kgalagadi Nasionale Park en enkele ander wildreservate het hul getalle sedertdien weer aansienlik toegeneem.
Sien ook[wysig | wysig bron]
- Lys van Suider-Afrikaanse soogdiere
- Lys van Suider-Afrikaanse soogdiere volgens wetenskaplike name
- Suider-Afrikaanse soogdiere en hul ordes
Bronne[wysig | wysig bron]
- Wêreldspektrum, 1982, ISBN 0908409656, volume 24, bl. 113
- Beeld. 24 Oktober 2011.
- Die Soogdiergids van Suider-Afrika. Burger Cillié. 2009. ISBN 978-1-875093-46-5
Verwysings[wysig | wysig bron]
- ↑ IUCN SSC Antelope Specialist Group (2008). Alcelaphus buselaphus ssp. caama. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 18 Januarie 2009.
- ↑ Geoffroy Saint-Hilaire, É. 1803. Catalogue des mammifères du Muséum National d'Histoire Naturelle. Muséum National d'Histoire Naturelle, Paris, 272 pp.
- ↑ Wilson, Don E. & Reeder, DeeAnn M. (editors). 2005. Mammal Species of the World. A Taxonomic and Geographic Reference (3rd ed), Johns Hopkins University Press, 2,142 pp. Available online
Eksterne skakels[wysig | wysig bron]
Wikiwoordeboek het 'n inskrywing vir rooihartbees.
