Ruimtevaarder
'n Ruimtevaarder is 'n persoon wat in of na die ruimte toe reis, of wat dit as 'n beroep beoefen. In die Verenigde State word persone, wat hoër as 50 myl (80 kilometer) bo die aarde reis, geklassifiseer as ruimtevaarders. Die FAI definieer ruimtevaart as meer as 100 kilometer, die Kármán-lyn. Ruimtevaarders van meer as 32 lande het reeds ruimtereise meegemaak.
Geskiedenis[wysig | wysig bron]
Die eerste mens in die ruimte was Joeri Gagarin van die Sowjetunie, wat op 12 April, 1961 aan boord Vostok 1 vir 108 minute rondom die aarde gewentel het. Die eerste vrou in die ruimte was Valentina Teresjkova, ook van die Sowjetunie, sy is op 16 Junie 1963 aan boord die Vostok 6 die ruimte ingestuur en het vir byna drie dae om die Aarde gewentel. Alan Shepard was die eerste Amerikaner in die ruimte.
Trivia[wysig | wysig bron]
Mark Shuttleworth is die eerste ruimtevaarder uit Afrika.
