SAT-3/WASC

in Wikipedia, die vrye ensiklopedie

SAT-3/WASC, kort vir South Atlantic 3/West Africa Submarine Cable is 'n ondersese kommunikasiekabel wat Portugal en Spanje aan Suid-Afrika verbind, asook verskeie ander Wes-Afrikalande wat aan die roete van die kabel geleë is. Die kabel vorm deel van die SAT-3/WASC/SAFE-kabelstelsel, waar die SAFE-kabel Suid-Afrika aan Asië verbind. Die SAT-3/WASC/SAFE-stelsel bied 'n alternatiewe roete tussen Asië en Europa vir telekommunikasieverkeer as die kabelroetes wat deur die Midde-Ooste lê, soos die SEA-ME-WE 3 en die Fiber-Optic Link Around the Globe (FLAG). SAT-3/WASC bied die enigste optiese vesel-skakel tussen Wes-Afrika en die res van die wêreld.

Eienaarskap[wysig | wysig bron]

Die SAT-3/WASC-kabel aan die weskus van Afrika.

Die SAT-3-stelsel tesame met die SAFE-stelsel is deur 'n konsortium van operateurs geïnstalleer wat tans 'n totaal van 36 aandeelhouers het. Die grootste drie beleggers in SAT-3/WASC was, in volgorde, TCI, 'n onderafdeling van AT&T in die VSA, France Telecom in Frankryk, en VSNL in Indië en Singapoer. Die elf Afrika-aandeelhouers is, in alfabetiese volgorde, Angola Telecom, Camtel, Côte d'Ivoire Telecom, Ghana Telecom, Maroc Telecom, Nitel, OPT Benin, OPT Gabon, Sonatel, Telecom Namibia en Telkom Suid-Afrika.

Bandwydtetariewe[wysig | wysig bron]

Die kostes van die bandwydte vir SAT-3 in die Afrika-lande waar dit 'n diens lewer is hoog, van USD$4 500 tot USD$12 000 per Mg·s-1 per maand, meer as vyftig keer duurder as bandwydtepryse in die VSA. Hierdie hoë pryse word grotendeels aan die monopolieë van die operateurs toegeskryf. Die laagste tariewe kom in Ghana voor, waar die Ghana Internet Service Providers Association (GISPA) 'n tweejaarooreenkoms met Ghana Telecom gesluit het. SAT-3-monopolieë het in November 2007 tot hul einde gekom, en onderhandelinge aangaande lisensie-ooreenkomste het plaasgevind. Vele organisasies, insluitende die Association of African Universities, het prysverlagings en vrye toegang aangevra.

Vaste punte[wysig | wysig bron]

Die SAT-3 is aan die volgende punte in Europa gekoppel:

In Afrika is dit aan die volgende punte gekoppel:

Alhoewel Telecom Namibia 'n aandeel in SAT-3/WASC besit, koppel die kabel nie aan Namibië nie. Namibiese internetgebruikers het gevolglik geen toegang tot die SAT-3/WASC-netwerk nie, omdat Telecom Namibia bandwydte by Telkom moet koop. Weens Telkom se hoë tariewe het Telecom Namibia tot sover geweier om toegang tot SAT-3/WASC te koop.

Tegnologie[wysig | wysig bron]

Die kabel bestaan uit vier vesels wat van erbiumgedokterde veselversterkerherhalers en golflengtedeelmultipleksering gebruik maak.

Geskiedenis[wysig | wysig bron]

SAT-3 het in 2001 met bedrywighede begin, waar dit vir die eerste keer Wes-Afrikaners en Suid-Afrikaners met Europa verbind het. Dit het die vorige SAT-2 verplaas wat nie meer die ewiggroeiende internetverkeer kon dra nie. SAT-2 is in die vroeë 1990's in bedryf gebring as 'n verplasing vir die oorspronklike ondersese kabel SAT-1, wat weer in die 1960's geïnstalleer is.

Sien ook[wysig | wysig bron]