Sandton

in Wikipedia, die vrye ensiklopedie
Sandton
Voorstad
Die stadsilhoeët van Sandton, soos gesien vanaf Megawatt Park
Die stadsilhoeët van Sandton, soos gesien vanaf Megawatt Park
Sandton is in Greater Johannesburg
Sandton
Sandton
Koördinate: 26°6′42″S 28°3′1″O / 26.11167°S 28.05028°O / -26.11167; 28.05028Koördinate: 26°6′42″S 28°3′1″O / 26.11167°S 28.05028°O / -26.11167; 28.05028
LandVlag van Suid-Afrika Suid-Afrika
ProvinsieGauteng
Metropolitaanse MunisipaliteitJohannesburg
Oppervlak
 • Totaal143,54 km2 (55,42 vk. myl)
Bevolking
 • Totaal300 000[1]
 • Digtheid2 090/km2 (5 400/vk. myl)
TydsoneUTC+2 (SAST)
Poskode
2146 / 2196
Skakelkodes011
Webwerfsandtoncentral.co.za

Sandton is 'n voorstad in die noorde van die metropolitaanse gebied van Groter Johannesburg (provinsie Gauteng, Suid-Afrika). Die naam is 'n kombinasie van twee voorstede, Sandown en Bryanston,[2] wat albei na plekke in die Verenigde Koninkryk genoem is.

Geskiedenis[wysig | wysig bron]

1960's[wysig | wysig bron]

Nelson Mandelaplein, Sandton City.

Die munisipaliteit het in 1969 ontstaan, toe Johannesburg in 'n noordelike rigting uitgebrei het. Sandton was aanvanklik 'n oorwegend residensiële voorstad, wat hoofsaaklik uit klein eiendomme bestaan het.

1990's[wysig | wysig bron]

Ná die einde van apartheid en die vestiging van die nuwe politieke bedeling het Sandton 'n deel van die Johannesburg Metromunisipaliteit geword en beskik dus sedertdien nie meer oor sy eie munisipale bestuur nie.

Finansiële en sakesentrum[wysig | wysig bron]

Sandton het ná die agteruitgang van Johannesburg se oorspronklike sakekern, wat een van die brandpunte van misdaad geword het, tot Suid-Afrika se nuwe finansiële sentrum en Johannesburg se belangrikste sakegebied ontwikkel. Nogtans het net een van Suid-Afrika se vier grootste banke, Nedbank, sy hoofkwartier na Sandton verskuif. Desondanks het die voorstad baie van Suid-Afrika se "nuwe geld" gelok, en naas beleggingsbanke en finansiële konsultante het ook Johannesburg se effektebeurs in die laat 1990's sy kantore na Sandton verskuif.

Sandton huisves die kongressentrum Sandton Convention Centre, een van die grootstes op die vasteland van Afrika, waar onder meer die Wêreldspitsberaad oor Volhoubare Ontwikkeling in Augustus 2002 plaasgevind het.

Toerisme en kleinhandel[wysig | wysig bron]

Sandton City, een van die grootste winkelsentrums in Afrika, is een van die besienswaardighede in die voorstad. Saam met Nelson Mandelaplein beskik die sentrum oor 144 000 vierkante meter totale winkeloppervlakte, wat dit die grootste van sy soort in die suidelike halfrond maak. Sandton is ook die belangrikste bestemming vir sakereisigers in die metropolitaanse gebied van Johannesburg en bied 'n reeks vyfsterhotelle.

Gautrein[wysig | wysig bron]

Sandton beskik oor 'n moderne ondergrondse stasie vir die Gautrein. Die gedeelte tussen Sandton en die O.R. Tambo Internasionale Lughawe is reeds voor die 2010 Wêreldbeker Sokkertoernooi in diens gestel.

Sien ook[wysig | wysig bron]

Verwysings[wysig | wysig bron]

  1. "www.sandton.city.com: History of Sandton. Besoek op 6 Mart 2016". Geargiveer vanaf die oorspronklike op 14 November 2016. Besoek op 6 Maart 2016.
  2. Raper, P. E. Sandton. Besoek op 28 Oktober 2013. {{cite book}}: |work= ignored (hulp)