Skandha

in Wikipedia, die vrye ensiklopedie
Skandha
Vertalings
Sanskrit स्कन्ध (skandha)
Pali khandha
Bengaals স্কন্ধ (skandha)
Tibettaans ཕུང་པོ་ལྔ་ (phung po lnga)
Viëtnamees Ngũ uẩn
Khmer បញ្ចក្ខន្ធ
Tradisionele Sjinees
Vereenvoudigde Sjinees
Pinyin yùn
Japannees 五蘊 (go'un)
Koreaans 온 (on)

Die skandhas (Sanskrit; khandhas in Pali) is die vyf basiese aspekte waaruit voelende wesens bestaan. Dit is nie fisieke komponente nie, maar eerder neigings.[1] Die vyf skandhas is: materiële vorm, gevoelens, waarneming, bedoelings (of gedagtes) en bewustheid (of aandag). Omdat dié vyf aspekte voortdurend verskyn en verdwyn, leer die Boeddha dat niks daarvan werklik "ek" of "myne" is nie.[2]

In die Theravada-tradisie word dukkha (lyding) veroorsaak wanneer ’n mens aan een van die skandhas vasklou. Nirwana (verligting) word behaal wanneer iemand ophou vasklou aan die skandhas.

Volgens die Mahayana-tradisie kan die opperste vryheid behaal word deur die aard van alle skandhas deeglik te begryp en te besef hulle het wesentlik geen onafhanklike bestaan nie.

Verwysings[wysig | wysig bron]

  1. khandro.net: Skandhas
  2. Ven. Analayo, 2006, Satipatthana: The direct path to realization, Hoofstuk 10, Dhammas: The Aggregates, Cambridge, VK: Windhorse.