Tefnoet
| Tefnoet | ||||||
| ||||||
| Die godin Tefnoet, met die kop van ’n leeuwyfie, sit op haar troon. | ||||||
| Soort godin | Egipties | |||||
| Godin van | Reën en vogtigheid | |||||
| Naam in hiërogliewe |
| |||||
| Kultussentrum | Heliopolis, Leontopolis | |||||
| Simbool | Leeuwyfie | |||||
| Ouers | Ra | |||||
| Sibbes | Sjoe | |||||
| Metgesel | Sjoe | |||||
| Kinders | Geb en Noet | |||||
| ||||||
Tefnoet of Tefenet was in die Egiptiese mitologie ’n godin van reën, vogtigheid, dou en vogtige lug.[1] Sy is die suster en metgesel van die luggod, Sjoe, en die ma van Geb en Noet.
Haar naam beteken letterlik "daardie water"[2] en word verbind met die Egiptiese woord vir "spoeg".[3] Volgens sommige weergawes van die skeppingsmite het Ra (of Atoem) haar uitgespoeg, en haar naam is in latere tekste geskryf as ’n mond wat spoeg.[4]
Anders as ander gode het Tefnoet geen enkele simbool gehad nie.
Mitologie[wysig | wysig bron]
Tefnoet is ’n dogter van die songod god Ra-Atoem. Sy was getroud met haar tweelingbroer, Sjoe. Daar is verskeie weergawes van die mite oor die skepping van Tefnoet en Sjoe. In alle weergawes word sy verbind met die een of ander vorm van liggaamsvloeistof. In die skeppingsmite van Heliopolis masturbeer Atoem om Tefnoet en Sjoe te maak:[5]
- Atoem het voortgeplant deur in Heliopolis te masturbeer. Hy het sy penis in sy hand geneem sodat hy daardeur ’n orgasme kon bereik. En die broer en suster is gebore – dit is Sjoe en Tefnoet. – Piramideteks 527[6]
In sommige weergawes van die mite sluk Atoem sy semen in en spoeg dit uit in die vorm van die tweeling, of andersins veroorsaak sy spoeg die voortplanting.[6] Die Kistekste bevat verwysings daarna dat Atoem Sjoe uitgenies en Tefnoet uitgespoeg het. Die Bremner-Rind-papirus en Memphis-teologie vertel dat Atoem in sy mond gemasturbeer en die semen uitgespoeg het in die vorm van die tweeling.[7]
Uitbeelding[wysig | wysig bron]
Tefnoet is gewoonlik uitgebeeld as ’n vrou met die kop van ’n leeuwyfie as deel van die Ennead van Heliopolis. Soms is sy ook as ’n volle leeuwyfie uitgebeeld. Op haar kop het sy dikwels ’n pruik en ’n slang of sonskyf. Soms word sy saam met Sjoe uitgebeeld as ’n tweekoppige wese.[8]
Verwysings[wysig | wysig bron]
- ↑ The Routledge Dictionary of Egyptian Gods and Goddesses, George Hart ISBN 0-415-34495-6
- ↑ Collier, Mark; Manley (1999). How to read Egyptian Hieroglyphs. Bill. Londen: British Museum Press. ISBN 0-7141-1910-5.
- ↑ http://henadology.wordpress.com/theology/netjeru/tefnut
- ↑ The Complete Gods and Goddesses of Ancient Egypt, Wilkinson, page. 183 ISBN 0-500-05120-8
- ↑ Hassan, Fekri A (1998). "5". In Lucy Goodison and Christine Morris (red.). Ancient Goddesses. London: British Museum Press. p. 107. ISBN 0-7141-1761-7.
- ↑ 6,0 6,1 Watterson, Barbara (2003). Gods of Ancient Egypt. Sutton Publishing. p. 27. ISBN 0-7509-3262-7.
- ↑ Pinch, Geraldine (2002). Handbook of Egyptian Mythology. ABC-CLIO. ISBN 1-57607-242-8.
- ↑ Wilkinson, Richard H (2003). The Complete Gods and Goddesses of Ancient Egypt. Thames & Hudson. p. 183. ISBN 0-500-05120-8.
Eksterne skakels[wysig | wysig bron]
Wikimedia Commons het meer media in die kategorie Tefnoet.
Hierdie artikel is vertaal uit die Engelse Wikipedia
| Gode | Amoen • Anoebis • Anoeket • Apep • Apis • Aten • Atoem • Bastet • Bes • Chepri • Chnoem • Chonsoe • Geb • Hapi • Hathor • Heqet • Horus • Isis • Maahes • Mafdet • Meschenet • Min • Moet • Montoe • Nechbet • Nefertem • Neith • Nephthys • Noe • Noet • Osiris • Ptah • Ra • Raet-Tawy • Satet • Sechmet • Seker • Serket • Sesjat • Set • Sjoe • Sobek • Taweret • Tefnoet • Thoth • Vier seuns van Horus • Wadjet • Wepwawet |  |
|---|---|---|
| Geskrifte | ||
| Ander | Doeat • Egiptiese mitologie • Egiptiese siel • Ennead • Maät • Mondopeningseremonie • Nege boë • Oerheuwel • Oog van Horus • Oog van Ra | |